ਕੈਨੇਡਾ ਦੀ ਮਰਦਮਸ਼ੁਮਾਰੀ 'ਚ ਪੰਜਾਬੀ ਬੋਲੀ ਦੀ ਚੜ੍ਹਤ

ਵੈਨਕੂਵਰ, 25 ਅਕਤੂਬਰ (ਗੁਰਵਿੰਦਰ ਸਿੰਘ ਧਾਲੀਵਾਲ)-ਕਰੀਬ ਸਵਾ ਸੌ ਵਰ੍ਹੇ ਪਹਿਲਾ ਕੈਨੇਡਾ ਦੀ ਧਰਤੀ 'ਤੇ ਪਹਿਲੇ ਪੰਜਾਬੀ ਦੇ ਧਰੇ ਕਦਮਾਂ ਨੂੰ ਅੱਜ ਉਸ ਸਮੇਂ ਮਾਰਗ ਦਰਸ਼ਕ ਬਣਨ ਦਾ ਸੁਭਾਗ ਮਿਲਿਆ, ਜਦੋਂ ਕੈਨੇਡੀਅਨ ਮਰਦਮਸ਼ੁਮਾਰੀ 2011 ਦੀ ਰਿਪੋਰਟ ਅਨੁਸਾਰ ਪੰਜਾਬੀ ਬੋਲੀ ਨੂੰ ਮੋਹਰਲੀ ਕਤਾਰ 'ਚ ਸ਼ਾਮਿਲ ਕੀਤਾ ਗਿਆ। ਤਾਜ਼ਾ ਅੰਕੜਿਆਂ ਅਨੁਸਾਰ ਕੈਨੇਡਾ ਦੀਆਂ ਸਰਕਾਰੀ ਬੋਲੀਆਂ ਅੰਗਰੇਜ਼ੀ ਅਤੇ ਫਰੈਂਚ ਤੋਂ ਮਗਰੋਂ ਸਭ ਤੋਂ ਵੱਧ ਬੋਲੀਆਂ ਜਾਣ ਵਾਲੀਆਂ ਜ਼ੁਬਾਨਾਂ 'ਚ, ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ ਚਾਰ ਲੱਖ ਸੱਠ ਹਜ਼ਾਰ ਤੋਂ ਵੱਧ ਦੱਸੀ ਗਈ ਹੈ, ਜੋ ਕਿ ਪਿਛਲੀ ਵਾਰ ਦੇ ਅੰਕੜਿਆਂ 'ਚ ਤਿੰਨ ਲੱਖ ਸਤਾਹਟ ਹਜ਼ਾਰ ਸੀ। ਇਸ ਦੇ ਨਾਲ ਹੀ ਪੰਜਾਬੀ ਸੰਨ 2006 ਦੀ ਮਰਦਮਸ਼ੁਮਾਰੀ 'ਚ ਛੇਵੇਂ ਸਥਾਨ 'ਤੇ ਸੀ, ਪ੍ਰੰਤੂ ਹੁਣ ਇਟਾਲੀਅਨ ਅਤੇ ਜਰਮਨ ਬੋਲੀਆਂ ਨੂੰ ਪਛਾੜਦੀ ਹੋਈ ਚੌਥੇ ਥਾਂ 'ਤੇ ਪੁੱਜ ਗਈ ਹੈ। ਇਸ ਰਿਪੋਰਟ ਅਨੁਸਾਰ ਤੀਜੇ ਥਾਂ 'ਤੇ ਚੀਨ ਦੀਆਂ ਤਿੰਨੇ ਭਾਸ਼ਾਵਾਂ ਮੈਂਡਰਿਨ, ਕੈਂਟਨੀ ਤੇ ਹਾਕਾ ਬੋਲਣ ਵਾਲਿਆਂ ਦੀ ਕੁਝ ਗਿਣਤੀ ਹੈ, ਪਰ ਜੇਕਰ ਇਨ੍ਹਾਂ ਨੂੰ ਵੱਖੋ-ਵੱਖ ਕਰਕੇ ਵੇਖਿਆ ਜਾਵੇ ਤਾਂ ਪੰਜਾਬੀ ਕੈਨੇਡਾ ਦੀ ਤੀਜੀ ਸਭ ਤੋਂ ਵੱਧ ਬੋਲੇ ਜਾਣ ਵਾਲੀ ਭਾਸ਼ਾ ਬਣ ਜਾਂਦੀ ਹੈ। ਇਕੱਲੇ ਬ੍ਰਿਟਿਸ਼ ਕੋਲੰਬੀਆ 'ਚ ਇਕ ਲੱਖ ਤਰਿਆਨਵੇਂ ਹਜ਼ਾਰ ਪੰਜਾਬੀ ਬੋਲਣ ਵਾਲੇ ਹਨ ਤੇ ਇਥੇ ਵਸਦੇ ਆਵਾਸੀਆਂ ਦੀ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਇਕੱਲੀ ਜ਼ੁਬਾਨ ਪੰਜਾਬੀ ਹੈ। ਇਸ ਤਰ੍ਹਾਂ ਹੀ ਉਂਟਾਰੀਓ, ਐਲਬਰਟਾ, ਕਿਊਬੈਕ ਤੇ ਮੈਨੀਟੋਬਾ ਵਿਚ ਵੀ ਪੰਜਾਬੀ ਬੋਲਣ ਵਾਲਿਆਂ ਦੀ ਸੰਖਿਆ ਵਧੀ ਹੈ। ਇਸ ਦੌਰਾਨ ਕੈਨੇਡਾ ਦੀ ਸੰਸਦ ਵਿਚ ਵੀ ਪੰਜਾਬੀਆਂ ਦੀ ਸੰਖਿਆ ਅਨੁਸਾਰ, ਪੰਜਾਬੀ ਤੀਜੀ ਬੋਲੀ ਵਜੋਂ ਮਾਨਤਾ ਹਾਸਿਲ ਕਰ ਚੁੱਕੀ ਹੈ। ਕੈਨੇਡਾ ਦੇਸ਼ 200 ਬੋਲੀਆਂ ਵਾਲਾ ਬਹੁ-ਭਾਸ਼ਾਈ ਤੇ ਬਹੁ-ਸੱਭਿਆਚਾਰਕ ਮੁਲਕ ਹੈ, ਜਿਸ 'ਚ ਆਵਾਸੀ ਪੰਜਾਬੀਆਂ ਨੇ ਬੋਲੀ ਬਚਾਉਣ ਲਈ ਲਗਾਤਾਰ ਅਖ਼ਬਾਰਾਂ, ਰੇਡੀਓ ਤੇ ਟੈਲੀਵਿਜ਼ਨ ਰਾਹੀਂ ਪ੍ਰਚਾਰ ਜਾਰੀ ਰੱਖਿਆ ਹੈ। ਦੂਜੇ ਪਾਸੇ ਮਿਲੇ ਵੇਰਵਿਆਂ ਅਨੁਸਾਰ ਇਥੋਂ ਦੇ ਮੂਲਵਾਸੀਆਂ ਦੀਆਂ 450 ਬੋਲੀਆਂ, ਅੰਗਰੇਜ਼ੀ ਤੇ ਫਰੈਂਚ ਦੇ ਗਲਬੇ ਮਗਰੋਂ ਘਟ ਕੇ ਹੁਣ ਸਿਰਫ 60 ਹੀ ਰਹਿ ਗਈਆਂ ਹਨ। ਪੰਜਾਬੀ ਚਿੰਤਕਾਂ ਅਨੁਸਾਰ ਚਾਹੇ ਨਵੇਂ ਮਰਦਮਸ਼ੁਮਾਰੀ 'ਚ ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ ਲਗਭਗ 1 ਲੱਖ ਦੇ ਕਰੀਬ ਵਧੀ ਹੈ, ਪ੍ਰੰਤੂ ਕੈਨੇਡਾ 'ਚ ਵਸਦੇ 7 ਲੱਖ ਪੰਜਾਬੀਆਂ ਦੇ ਮੁਕਾਬਲਤਨ ਅਜੇ ਵੀ ਦੋ ਲੱਖ ਤੋਂ ਵੱਧ ਲੋਕ ਮਰਦਮਸ਼ੁਮਾਰੀ 'ਚ ਮਾਂ ਬੋਲੀ ਪੰਜਾਬੀ ਲਿਖਵਾਉਣ ਤੋਂ ਅਵੇਸਲੇ ਰਹੇ ਹਨ। ਤਾਜ਼ਾ ਮਰਦਮਸ਼ੁਮਾਰੀ ਅਨੁਸਾਰ ਕੈਨੇਡਾ ਦੇ 64 ਲੱਖ ਲੋਕ ਆਵਾਸੀਆਂ ਬੋਲੀਆਂ ਨੂੰ ਆਪਣੀ ਜ਼ੁਬਾਨ ਮੰਨਦੇ ਹਨ। ਵੈਨਕੂਵਰ 'ਚ 7,11,515 ਭਾਵ 31 ਫ਼ੀਸਦੀ ਲੋਕ ਆਵਾਸੀ ਭਾਸ਼ਾਵਾਂ 'ਚ ਸਭ ਤੋਂ ਵੱਧ ਚੀਨੀ ਤੇ ਪੰਜਾਬੀ ਬੋਲਦੇ ਹਨ। ਕੈਲਗਿਰੀ 'ਚ 2, 27,515 (18.9 ਫ਼ੀਸਦੀ) ਲੋਕਾਂ 'ਚ ਸਭ ਤੋਂ ਜ਼ਿਆਦਾ ਪੰਜਾਬੀ, ਟਾਗਾਲੌਗ ਤੇ ਚੀਨੀ ਬੋਲਦੇ ਹਨ। ਐਡਮਿੰਟਨ 'ਚ 1,65,145 (14.5 ਫ਼ੀਸਦੀ) ਲੋਕ ਟਾਗਾਲੌਗ, ਪੰਜਾਬੀ ਤੇ ਚੀਨੀ ਬੋਲਦੇ ਹਨ, ਜਦ ਕਿ ਟੋਰਾਂਟੋ 'ਚ 17 ਲੱਖ (32.4 ਫ਼ੀਸਦੀ) ਵਸੋਂ ਆਵਾਸੀ ਬੋਲੀ ਵਾਲੀ ਹੈ, ਜਿਨ੍ਹਾਂ 'ਚ ਸਭ ਤੋਂ ਵੱਧ ਚੀਨੀ ਤੇ ਪੰਜਾਬੀ ਬੋਲਣ ਵਾਲੇ ਹਨ।

Post Comment

ਸਵਾਤ ਘਾਟੀ ਦੀ 14 ਸਾਲਾ ਬਹਾਦਰ ਲੜਕੀ ਮਲਾਲਾ ਯੂਸਫ਼ਜ਼ਈ

ਮਲਾਲਾ ਯੂਸਫ਼ਜ਼ਈ ਦੀ ਇਕ ਪੁਰਾਣੀ ਤਸਵੀਰ (ਸੱਜੇ) ਉਸ ਦੀ ਸਿਹਤਯਾਬੀ 

ਲਈ ਦੁਆ ਕਰਦੀਆਂ ਹੋਈਆਂ ਪਿਸ਼ਾਵਰ ਦੀਆਂ ਸਕੂਲੀ ਲੜਕੀਆਂ

ਜ਼ਿੰਦਗੀ ਵਿਚ ਕਈ ਵਾਰ ਅਜਿਹੇ ਮੌਕੇ ਆਉਂਦੇ ਹਨ, ਜਦੋਂ ਕਿਸੇ ਸ਼ਖ਼ਸੀਅਤ ਬਾਰੇ ਲਿਖਣਾ ਬੇਹੱਦ ਮੁਸ਼ਕਿਲ ਲਗਦਾ ਹੈ। ਸਬੰਧਤ ਸ਼ਖ਼ਸੀਅਤ ਦੀ ਕਰਨੀ ਦੇ ਹਾਣ ਦੇ ਲਫ਼ਜ਼ ਨਹੀਂ ਲੱਭਦੇ। ਦਿਲ ਬਹੁਤ ਕੁਝ ਕਹਿਣ ਨੂੰ ਲੋਚਦਾ ਹੈ ਪਰ ਜ਼ਬਾਨ ਸਾਥ ਨਹੀਂ ਦਿੰਦੀ। ਅਜਿਹੇ ਪਲਾਂ ਨੂੰ ਸਿਰਫ ਮਹਿਸੂਸ ਕੀਤਾ ਜਾ ਸਕਦਾ ਹੈ ਪਰ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਜੇ ਲਿਖਣ ਬੈਠੋਗੇ, ਤਾਂ ਕਲਮ ਥਰਥਰਾਏਗੀ। ਪੰਨਾ ਹੰਝੂਆਂ ਨਾਲ ਭਰ ਜਾਏਗਾ।

ਅੱਜ ਜਦੋਂ ਮੈਂ ਸਵਾਤ ਘਾਟੀ ਦੀ 14 ਸਾਲਾ ਬਹਾਦਰ ਲੜਕੀ ਮਲਾਲਾ ਯੂਸਫ਼ਜ਼ਈ ਬਾਰੇ ਲਿਖਣ ਬੈਠਾ ਹਾਂ ਤਾਂ ਮਨ ਵਿਚ ਉਪਰੋਕਤ ਭਾਵ ਵਾਰ-ਵਾਰ ਉਮਡ ਰਹੇ ਹਨ। ਫਿਰ ਮੇਰੇ ਜ਼ਿਹਨ ਵਿਚ ਇਹ ਖਿਆਲ ਆਉਂਦਾ ਹੈ ਕਿ ਤਾਲਿਬਾਨ ਦੇ ਖਿਲਾਫ਼ ਲਿਖਦਿਆਂ ਮਲਾਲਾ ਦੀ ਕਲਮ ਨਹੀਂ ਸੀ ਥਰਥਰਾਈ। ਬੋਲਣ ਲੱਗਿਆਂ ਉਸ ਦੀ ਜ਼ਬਾਨ ਨਹੀਂ ਸੀ ਕੰਬੀ। ਫਿਰ ਉਸ ਬਾਰੇ ਲਿਖਦਿਆਂ ਮੈਂ ਏਨਾ ਕਮਜ਼ੋਰ ਕਿਉਂ ਮਹਿਸੂਸ ਕਰ ਰਿਹਾ ਹਾਂ? ਜ਼ਿੰਦਗੀ ਤਾਂ ਇਕ ਗੀਤ ਹੈ। ਜੇ ਮੈਂ ਨਹੀਂ ਗਾਵਾਂਗਾ ਤਾਂ ਕੋਈ ਹੋਰ ਗਾਏਗਾ। ਜ਼ਿੰਦਗੀ ਤਾਂ ਇਕ ਸੰਘਰਸ਼ ਹੈ, ਜੇ ਮੈਂ ਨਹੀਂ ਕਰਾਂਗਾ ਤਾਂ ਕੋਈ ਹੋਰ ਕਰੇਗਾ। ਜ਼ਿੰਦਗੀ ਤਾਂ ਇਕ ਇਬਾਰਤ ਹੈ, ਜੇ ਮੈਂ ਨਹੀਂ ਲਿਖਾਂਗਾ ਤਾਂ ਕੋਈ ਹੋਰ ਲਿਖੇਗਾ। ਇਹ ਸੋਚ ਕੇ ਮੈਂ ਆਪਣੇ ਮਨ ਨੂੰ ਢਾਰਸ ਦਿੰਦਾ ਹਾਂ ਤੇ ਮਲਾਲਾ ਯੂਸਫਜ਼ਈ ਦੀ ਸ਼ਖ਼ਸੀਅਤ ਦੇ ਹਾਣ ਦੇ ਲਫ਼ਜ਼ ਲੱਭਣ ਦੀ ਕੋਸ਼ਿਸ਼ ਕਰਦਾ ਹਾਂ।

ਮਲਾਲਾ ਯੂਸਫ਼ਜ਼ਈ ਨੂੰ ਪਿਸ਼ਾਵਰ ਤੋਂ ਰਾਵਲਪਿੰਡੀ ਲਿਆਏ ਜਾਣ ਦਾ ਇਕ ਦ੍ਰਿਸ਼

ਉਸ ਦਾ ਜਨਮ 1998 ਵਿਚ ਪਾਕਿਸਤਾਨ ਦੇ ਸੂਬਾ ਖੈਬਰ ਪਖਤੂਨਖਵਾ ਦੀ ਸਵਾਤ ਘਾਟੀ ਦੇ ਪ੍ਰਸਿੱਧ ਕਸਬੇ ਮੰਗੋਰਾ ਵਿਚ ਹੋਇਆ। ਉਸ ਦੇ ਪਿਤਾ ਦਾ ਨਾਂਅ ਜ਼ਿਆ-ਉੱਦ-ਦੀਨ ਯੂਸਫਜ਼ਈ ਹੈ, ਜੋ ਕਿ ਮੰਗੋਰਾ ਵਿਚ ਖੁਸ਼ਹਾਲ ਪਬਲਿਕ ਸਕੂਲ ਨਾਂਅ ਦਾ ਨਿੱਜੀ ਸਕੂਲ ਚਲਾਉਂਦੇ ਹਨ। ਇਸ ਨਾਂਅ ਵਾਲੇ ਸਵਾਤ ਘਾਟੀ ਵਿਚ ਉਨ੍ਹਾਂ ਦੇ ਕਈ ਹੋਰ ਵੀ ਸਕੂਲ ਹਨ। ਉਨ੍ਹਾਂ ਨੇ ਆਪਣੇ ਸਕੂਲਾਂ ਦਾ ਨਾਂਅ ਪ੍ਰਸਿੱਧ ਪਖਤੂਨੀ ਯੋਧੇ ਅਤੇ ਸ਼ਾਇਰ ਖੁਸ਼ਹਾਲ ਖਾਨ ਖਟਕ ਦੇ ਨਾਂਅ 'ਤੇ ਰੱਖਿਆ ਹੋਇਆ ਹੈ। ਜ਼ਿਆ-ਉੱਦ-ਦੀਨ ਦੇ ਮਲਾਲਾ ਤੋਂ ਇਲਾਵਾ ਦੋ ਹੋਰ ਲੜਕੇ ਵੀ ਹਨ। ਪਰ ਮਲਾਲਾ ਆਪਣੇ ਭਰਾਵਾਂ ਤੋਂ ਬਿਲਕੁਲ ਵੱਖਰੀ ਤਰ੍ਹਾਂ ਦੀ ਸ਼ਖ਼ਸੀਅਤ ਹੈ। ਉਹ ਸਵਾਤ ਘਾਟੀ ਵਿਚ ਬੱਚਿਆਂ, ਖਾਸ ਕਰਕੇ ਲੜਕੀਆਂ ਦੀ ਸਿੱਖਿਆ ਦੇ ਅਧਿਕਾਰ ਲਈ ਲੜਨ ਵਾਲੀ ਸ਼ਾਇਦ ਸਭ ਤੋਂ ਛੋਟੀ ਉਮਰ ਦੀ ਸਮਾਜਿਕ ਕਾਰਜਕਰਤਾ ਹੈ। 9 ਅਕਤੂਬਰ ਨੂੰ ਤਾਲਿਬਾਨੀਆਂ ਨੇ ਉਸ 'ਤੇ ਉਸ ਸਮੇਂ ਹਮਲਾ ਕਰ ਦਿੱਤਾ, ਜਦੋਂ ਉਹ ਆਪਣੀਆਂ ਸਕੂਲੀ ਸਾਥਣਾਂ ਨਾਲ ਇਕ ਬੱਸ ਵਿਚ ਸਕੂਲ ਤੋਂ ਇਮਤਿਹਾਨ ਦੇ ਕੇ ਵਾਪਸ ਆ ਰਹੀ ਸੀ। ਦੋ ਹਥਿਆਰਬੰਦ ਤਾਲਿਬਾਨੀ ਨੌਜਵਾਨਾਂ ਨੇ ਸਕੂਲ ਬੱਸ ਨੂੰ ਰੁਕਵਾਇਆ ਅਤੇ ਉਨ੍ਹਾਂ ਵਿਚੋਂ ਇਕ ਨੇ ਉੱਚੀ ਆਵਾਜ਼ ਵਿਚ ਕਿਹਾ, ਤੁਹਾਡੇ ਵਿਚੋਂ ਮਲਾਲਾ ਕੌਣ ਹੈ? ਇਸ ਬਾਰੇ ਦੱਸ ਦਿਓ, ਨਹੀਂ ਤਾਂ ਮੈਂ ਸਾਰਿਆਂ ਨੂੰ ਗੋਲੀ ਮਾਰ ਦਿਆਂਗਾ। ਫਿਰ ਉਸ ਨੇ ਮਲਾਲਾ ਨੂੰ ਪਛਾਣ ਲਿਆ ਅਤੇ ਨੇੜੇ ਤੋਂ ਉਸ ਦੇ ਸਿਰ ਵਿਚ ਗੋਲੀ ਮਾਰ ਦਿੱਤੀ। ਇਸ ਗੋਲੀਬਾਰੀ ਵਿਚ ਮਲਾਲਾ ਦੀ ਜਮਾਤਣ ਸਾਜ਼ੀਆ ਅਤੇ ਇਕ ਸਕੂਲ ਟੀਚਰ ਵੀ ਜ਼ਖ਼ਮੀ ਹੋ ਗਈ।

ਤੁਹਾਡੇ ਸਾਰਿਆਂ ਦੇ ਜ਼ਿਹਨ ਵਿਚ ਇਹ ਸਵਾਲ ਜ਼ਰੂਰ ਉੱਭਰਨਗੇ ਕਿ 14 ਸਾਲਾਂ ਦੀ ਸਕੂਲ ਪੜ੍ਹਦੀ ਲੜਕੀ ਮਲਾਲਾ ਯੂਸਫਜ਼ਈ ਨੂੰ ਤਾਲਿਬਾਨਾਂ ਨੇ ਨਿਸ਼ਾਨਾ ਕਿਉਂ ਬਣਾਇਆ? ਉਨ੍ਹਾਂ ਨੂੰ ਉਸ ਤੋਂ ਕੀ ਖ਼ਤਰਾ ਸੀ? ਉਹ ਉਸ ਤੋਂ ਕਿਉਂ ਭੈਭੀਤ ਸਨ? ਇਹ ਸਕੂਲ ਪੜ੍ਹਦੀ ਲੜਕੀ ਜਿਸਮਾਨੀ ਤੌਰ 'ਤੇ ਭਾਵੇਂ ਤਾਲਿਬਾਨਾਂ ਲਈ ਕੋਈ ਖ਼ਤਰਾ ਨਹੀਂ ਸੀ ਪਰ ਉਸ ਦੇ ਬੇਬਾਕ ਵਿਚਾਰ ਉਨ੍ਹਾਂ ਲਈ ਵੱਡਾ ਖ਼ਤਰਾ ਬਣੇ ਹੋਏ ਸਨ। ਉਨ੍ਹਾਂ ਦੇ ਸਿਧਾਂਤਾਂ ਦੇ ਕਿਲ੍ਹੇ ਨੂੰ ਜੜ੍ਹਾਂ ਤੋਂ ਹਿਲਾ ਰਹੇ ਸਨ। ਉਸ ਦੇ ਵਿਚਾਰਾਂ ਤੋਂ ਉਨ੍ਹਾਂ ਨੂੰ ਉਸ ਇਸਲਾਮ ਨੂੰ ਖ਼ਤਰਾ ਪੈਦਾ ਹੁੰਦਾ ਨਜ਼ਰ ਆ ਰਿਹਾ ਸੀ, ਜਿਸ ਇਸਲਾਮ ਦਾ ਸੰਕਲਪ ਉਨ੍ਹਾਂ ਨੇ ਆਪੇ ਹੀ ਘੜਿਆ ਹੋਇਆ ਸੀ।

ਮਲਾਲਾ ਯੂਸਫਜ਼ਈ ਦੇ ਵਿਚਾਰ ਬੀ.ਬੀ.ਸੀ. ਦੇ ਉਰਦੂ ਅਤੇ ਅੰਗਰੇਜ਼ੀ ਬਲਾਗ ਰਾਹੀਂ 3 ਜਨਵਰੀ, 2009 ਨੂੰ ਪਹਿਲੀ ਵਾਰ ਉਦੋਂ ਸਾਹਮਣੇ ਆਏ, ਜਦੋਂ ਉਸ ਨੇ ਸਵਾਤ ਦੀ ਡਾਇਰੀ ਦੇ ਰੂਪ ਵਿਚ 'ਗੁਲ ਮੱਕੀ' ਨਾਂਅ ਦੇ ਕਲਮੀ ਨਾਂਅ ਹੇਠ ਲਿਖਣਾ ਆਰੰਭ ਕੀਤਾ। ਸਵਾਤ ਘਾਟੀ, ਜੋ ਕਿ ਜੰਮੂ-ਕਸ਼ਮੀਰ ਵਾਂਗ ਹੀ ਕੁਦਰਤੀ ਸੁੰਦਰਤਾ ਦਾ ਮੁਜੱਸਮਾ ਹੈ ਅਤੇ ਜਿਸ ਨੂੰ ਪਾਕਿਸਤਾਨ ਦਾ ਸਵਿੱਟਜ਼ਰਲੈਂਡ ਵੀ ਕਿਹਾ ਜਾਂਦਾ ਹੈ, 'ਤੇ 2007 ਵਿਚ ਤਾਲਿਬਾਨ ਨੇ ਕਬਜ਼ਾ ਕਰ ਲਿਆ ਸੀ ਅਤੇ ਉਨ੍ਹਾਂ ਨੇ ਇਸ ਖਿੱਤੇ 'ਤੇ ਆਪਣੀ ਬਣਾਈ ਹੋਈ ਸ਼ਰੀਅਤ ਲਾਗੂ ਕਰਦਿਆਂ ਇਹ ਫਰਮਾਨ ਜਾਰੀ ਕਰ ਦਿੱਤਾ ਸੀ ਕਿ ਲੜਕੀਆਂ ਨੂੰ ਸਿੱਖਿਆ ਹਾਸਲ ਕਰਨ ਦਾ ਕੋਈ ਅਧਿਕਾਰ ਨਹੀਂ ਹੈ ਅਤੇ ਕੋਈ ਵੀ ਲੜਕੀ ਪੜ੍ਹਨ ਲਈ ਸਕੂਲ ਨਾ ਜਾਵੇ। ਉਨ੍ਹਾਂ ਨੇ ਆਪਣੇ ਇਸ ਫਰਮਾਨ ਨੂੰ ਲਾਗੂ ਕਰਦਿਆਂ ਸਵਾਤ ਘਾਟੀ ਅਤੇ ਫਾਟਾ ਦੇ ਹੋਰ ਇਲਾਕਿਆਂ ਵਿਚ ਸੈਂਕੜੇ ਸਕੂਲਾਂ ਨੂੰ ਬੰਬਾਂ ਨਾਲ ਉਡਾ ਦਿੱਤਾ ਸੀ। ਮਲਾਲਾ ਯੂਸਫਜ਼ਈ ਦਾ ਮੰਗੋਰਾ ਵਿਚ ਘਰ ਉਸ ਚੌਂਕ ਦੇ ਨੇੜੇ ਸੀ, ਜਿਸ ਵਿਚ ਤਾਲਿਬਾਨ ਆਪਣੇ ਹੁਕਮਾਂ ਦੀ ਤਾਮੀਲ ਨਾ ਕਰਨ ਵਾਲੇ ਲੋਕਾਂ ਨੂੰ ਇਕੱਠੇ ਕਰਕੇ ਸਵੇਰੇ ਸਾਝਰੇ ਗੋਲੀਆਂ ਨਾਲ ਉਡਾ ਦਿੰਦੇ ਸਨ। ਉਨ੍ਹਾਂ ਦੀਆਂ ਲਹੂ ਭਿੱਜੀਆਂ ਲਾਸ਼ਾਂ ਅਨੇਕਾਂ ਵਾਰ ਮਲਾਲਾ ਯੂਸਫਜ਼ਈ ਨੇ ਆਪਣੀਆਂ ਅੱਖਾਂ ਨਾਲ ਵੇਖੀਆਂ ਸਨ। ਤਾਲਿਬਾਨ ਦੇ ਜ਼ੁਲਮਾਂ ਦੀਆਂ ਹੋਰ ਵੀ ਅਨੇਕਾਂ ਦਾਸਤਾਨਾਂ ਉਸ ਨੇ ਵੇਖੀਆਂ ਅਤੇ ਸੁਣੀਆਂ ਸਨ। ਉਸ ਨੇ ਇਹ ਵੀ ਵੇਖਿਆ ਸੀ ਕਿ ਕਿਸ ਤਰ੍ਹਾਂ ਲੋਕ ਤਾਲਿਬਾਨ ਦੀ ਦਹਿਸ਼ਤ ਕਾਰਨ ਆਪਣੇ ਘਰਾਂ ਨੂੰ ਛੱਡ ਕੇ ਪਿਸ਼ਾਵਰ, ਰਾਵਲਪਿੰਡੀ ਜਾਂ ਲਾਹੌਰ ਨੂੰ ਚਲੇ ਗਏ ਸਨ। ਉਹ ਇਹ ਸਭ ਕੁਝ ਦੁਨੀਆ ਭਰ ਦੇ ਲੋਕਾਂ ਨੂੰ ਦੱਸਣਾ ਚਾਹੁੰਦੀ ਸੀ ਪਰ ਉਸ ਕੋਲ ਕੋਈ ਸਾਧਨ ਨਹੀਂ ਸੀ। ਉਸ ਨੇ ਆਪ ਕਿਹਾ ਹੈ ਕਿ 'ਉਹ ਚੀਕ-ਚੀਕ ਕੇ ਦੁਨੀਆ ਨੂੰ ਇਥੇ ਜੋ ਕੁਝ ਹੋ ਰਿਹਾ ਹੈ, ਉਸ ਬਾਰੇ ਦੱਸਣਾ ਚਾਹੁੰਦੀ ਸੀ, ਪਰ ਉਸ ਨੂੰ ਪਤਾ ਨਹੀਂ ਸੀ ਕਿ, ਉਹ ਕੀ ਕਰੇ।' ਇਸ ਨੂੰ ਕੁਦਰਤ ਦਾ ਮੌਕਾ-ਮੇਲ ਹੀ ਸਮਝੋ ਕਿ ਇਨ੍ਹਾਂ ਦਿਨਾਂ ਵਿਚ ਹੀ ਬੀ.ਬੀ.ਸੀ. ਦੇ ਇਕ ਪੱਤਰਕਾਰ ਅਬਦੁਲ ਹਾਈ ਕਾਕੁਰ ਦੇ ਮਨ ਵਿਚ ਇਹ ਖਿਆਲ ਆਇਆ ਕਿ ਸਵਾਤ ਘਾਟੀ ਵਿਚ ਜਿਸ ਤਰ੍ਹਾਂ ਤਾਲਿਬਾਨ ਨੇ ਸੈਂਕੜੇ ਸਕੂਲਾਂ ਨੂੰ ਤਬਾਹ ਕੀਤਾ ਹੈ ਅਤੇ ਲੜਕੀਆਂ ਨੂੰ ਸਿੱਖਿਆ ਹਾਸਲ ਕਰਨ ਤੋਂ ਵਾਂਝੇ ਕਰ ਦਿੱਤਾ ਹੈ, ਇਸ ਸਬੰਧੀ ਕਿਸੇ ਲੜਕੀ ਤੋਂ ਬੀ.ਬੀ.ਸੀ. ਦੇ ਉਰਦੂ ਅਤੇ ਅੰਗਰੇਜ਼ੀ ਬਲਾਗ ਲਈ ਡਾਇਰੀ ਲਿਖਵਾਈ ਜਾਵੇ। ਅਬਦੁੱਲ ਹਾਈ ਕਾਕੁਰ ਨੇ ਇਸ ਮਕਸਦ ਲਈ ਮਲਾਲਾ ਯੂਸਫਜ਼ਈ ਦੇ ਪਿਤਾ ਜ਼ਿਆ-ਉੱਦ-ਦੀਨ ਯੂਸਫਜ਼ਈ ਤੱਕ ਪਹੁੰਚ ਕੀਤੀ ਤਾਂ ਉਨ੍ਹਾਂ ਨੇ ਦੋ ਲੜਕੀਆਂ ਦੇ ਨਾਂਅ ਸੁਝਾਏ। ਫਿਰ ਨਾਲ ਹੀ ਇਹ ਵੀ ਆਖਿਆ ਕਿ ਉਨ੍ਹਾਂ ਦੇ ਮਾਂ-ਬਾਪ ਲੜਕੀਆਂ ਨੂੰ ਤਾਲਿਬਾਨ ਦੇ ਡਰ ਕਾਰਨ ਅਜਿਹੀ ਡਾਇਰੀ ਲਿਖਣ ਦੀ ਇਜਾਜ਼ਤ ਨਹੀਂ ਦੇਣਗੇ। ਫਿਰ ਕੁਝ ਸੋਚ-ਵਿਚਾਰ ਤੋਂ ਬਾਅਦ ਜ਼ਿਆ-ਉੱਦ-ਦੀਨ ਯੂਸਫਜ਼ਈ ਨੇ ਇਹ ਡਾਇਰੀ ਲਿਖਣ ਲਈ ਆਪਣੀ ਲੜਕੀ ਮਲਾਲਾ ਦਾ ਨਾਂਅ ਪੇਸ਼ ਕਰ ਦਿੱਤਾ ਤੇ ਇਸ ਤਰ੍ਹਾਂ ਇਹ ਡਾਇਰੀ ਲਿਖਣ ਦਾ ਸਿਲਸਿਲਾ ਆਰੰਭ ਹੋ ਗਿਆ। 3 ਜਨਵਰੀ, 2009 ਤੋਂ ਉਸ ਨੇ ਇਹ ਡਾਇਰੀ ਲਿਖਣੀ ਆਰੰਭ ਕੀਤੀ ਅਤੇ ਲਗਾਤਾਰ 10 ਹਫ਼ਤੇ ਤੱਕ ਉਹ ਇਸ ਨੂੰ ਲਿਖਦੀ ਰਹੀ। ਅਬਦੁੱਲ ਹਾਈ ਕਾਕੁਰ ਹਰ ਰੋਜ਼ ਉਸ ਨਾਲ ਫੋਨ 'ਤੇ 30 ਮਿੰਟ ਤੱਕ ਗੱਲ ਕਰਦਾ ਸੀ ਅਤੇ ਉਹ ਜੋ ਕੁਝ ਦੇਖਦੀ ਸੀ, ਸੁਣਦੀ ਸੀ ਤੇ ਮਹਿਸੂਸ ਕਰਦੀ ਸੀ, ਉਸ ਨੂੰ ਲਿਖਵਾ ਦਿੰਦੀ ਸੀ। ਇਹ ਡਾਇਰੀ ਦੁਨੀਆ ਭਰ ਵਿਚ ਏਨੀ ਚਰਚਿਤ ਹੋਈ ਕਿ ਇਸ ਨੂੰ 'ਸਵਾਤ ਦੀ ਆਵਾਜ਼' ਆਖਿਆ ਗਿਆ। 2009 ਵਿਚ ਪਾਕਿਸਤਾਨ ਦੀ ਫ਼ੌਜ ਨੇ ਸਵਾਤ ਘਾਟੀ ਨੂੰ ਸਖ਼ਤ ਫ਼ੌਜੀ ਕਾਰਵਾਈ ਤੋਂ ਬਾਅਦ ਤਾਲਿਬਾਨ ਦੇ ਕਬਜ਼ੇ ਤੋਂ ਮੁਕਤ ਕਰਵਾ ਲਿਆ। ਇਸ ਫ਼ੌਜੀ ਕਾਰਵਾਈ ਦੌਰਾਨ ਮਲਾਲਾ ਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੂੰ ਆਪਣਾ ਸ਼ਹਿਰ ਮੰਗੋਰਾ ਛੱਡਣਾ ਪਿਆ ਪਰ ਉਸ ਦੇ ਪਿਤਾ ਜ਼ਿਆ-ਉੱਦ-ਦੀਨ ਨੇ ਇਹ ਕਹਿੰਦਿਆਂ ਸਵਾਤ ਘਾਟੀ ਛੱਡਣ ਤੋਂ ਨਾਂਹ ਕਰ ਦਿੱਤੀ ਕਿ, 'ਮੈਂ ਉਸ ਸਵਾਤ ਨੂੰ ਔਖੇ ਸਮੇਂ ਕਿਵੇਂ ਛੱਡ ਸਕਦਾ ਹਾਂ, ਜਿਸ ਨੇ ਮੈਨੂੰ ਏਨਾ ਕੁਝ ਦਿੱਤਾ ਹੈ।' ਫ਼ੌਜੀ ਕਾਰਵਾਈ ਤੋਂ ਬਾਅਦ ਮਲਾਲਾ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਮੁੜ ਆਪਣੇ ਸ਼ਹਿਰ ਮੰਗੋਰਾ ਆ ਗਈ। ਪਰ ਹੁਣ ਤੱਕ ਉਸ ਦੀ ਸ਼ਖ਼ਸੀਅਤ ਦੀ ਪ੍ਰਸਿੱਧੀ ਦੂਰ-ਦੂਰ ਤੱਕ ਫੈਲ ਚੁੱਕੀ ਸੀ। ਉਸ ਵੱਲੋਂ ਸਵਾਤ ਘਾਟੀ 'ਤੇ ਤਾਲਿਬਾਨ ਦੇ ਜ਼ੁਲਮਾਂ ਵਿਰੁੱਧ ਬੁਲੰਦ ਕੀਤੀ ਗਈ ਆਵਾਜ਼, ਖਾਸ ਕਰਕੇ ਉਸ ਵੱਲੋਂ ਲੜਕੀਆਂ ਦੀ ਸਿੱਖਿਆ ਦੇ ਅਧਿਕਾਰ ਲਈ ਲਿਖਣ ਤੇ ਬੋਲਣ ਕਾਰਨ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਯੂਸਫ਼ ਰਜ਼ਾ ਗਿਲਾਨੀ ਵੱਲੋਂ ਉਸ ਨੂੰ 'ਨੈਸ਼ਨਲ ਪੀਸ ਐਵਾਰਡ' ਨਾਲ ਸਨਮਾਨਿਤ ਕੀਤਾ ਗਿਆ। ਸਵਾਤ ਘਾਟੀ ਦੇ ਇਕ ਹਾਇਰ ਸੈਕੰਡਰੀ ਸਰਕਾਰੀ ਸਕੂਲ ਦਾ ਨਾਂਅ ਉਸ ਦੇ ਨਾਂਅ 'ਤੇ ਰੱਖਿਆ ਗਿਆ। ਉਸ ਵੱਲੋਂ ਲਿਖੇ ਬਲਾਗ ਤੋਂ ਪ੍ਰਭਾਵਿਤ ਹੋ ਕੇ ਪ੍ਰਧਾਨ ਮੰਤਰੀ ਨੇ ਮੰਗੋਰਾ ਦੇ ਕਾਲਜ ਵਿਚ ਇਨਫਰਮੇਸ਼ਨ ਤਕਨਾਲੋਜੀ ਦਾ ਵਿਭਾਗ ਸਥਾਪਿਤ ਕਰਨ ਦੇ ਆਦੇਸ਼ ਵੀ ਦਿੱਤੇ। ਅੰਤਰਰਾਸ਼ਟਰੀ ਪੱਧਰ 'ਤੇ ਵੀ ਮਲਾਲਾ ਯੂਸਫਜ਼ਈ ਦੀ ਬੇਹੱਦ ਚਰਚਾ ਹੋਈ। ਉਸ 'ਤੇ ਇਕ ਡਾਕੂਮੈਂਟਰੀ ਬਣਾਈ ਗਈ, ਜਿਸ ਵਿਚ ਉਸ ਨੇ ਸਵਾਤ ਘਾਟੀ ਦੀਆਂ ਲੜਕੀਆਂ ਨੂੰ ਸਿੱਖਿਆ ਹਾਸਲ ਕਰਨ ਵਿਚ ਆ ਰਹੀਆਂ ਸਮੱਸਿਆਵਾਂ ਦਾ ਵਿਸਥਾਰਪੂਰਵਕ ਜ਼ਿਕਰ ਕੀਤਾ। ਇਸ ਨੂੰ ਦੁਨੀਆ ਭਰ ਵਿਚ ਵੇਖਿਆ ਗਿਆ। ਅਮਰੀਕਾ ਦੇ ਇਕ ਸ਼ਹਿਰ ਵਿਚ ਇਕ ਪਰਿਵਾਰ ਦੇ ਕੁਝ ਬੱਚੇ, ਜੋ ਸਕੂਲ ਜਾਣ ਤੋਂ ਝਿਜਕਦੇ ਸਨ, ਉਨ੍ਹਾਂ ਨੇ ਇਹ ਡਾਕੂਮੈਂਟਰੀ ਵੇਖੀ ਤਾਂ ਉਹ ਸਕੂਲ ਜਾਣ ਲਈ ਦ੍ਰਿੜ੍ਹ ਹੋ ਗਏ। ਮਲਾਲਾ ਯੂਸਫ਼ਜ਼ਈ ਦਾ ਨਾਂਅ ਬੱਚਿਆਂ ਦੀ ਬਹਾਦਰੀ ਲਈ ਦਿੱਤੇ ਜਾਣ ਵਾਲੇ ਕੌਮਾਂਤਰੀ ਐਵਾਰਡ ਲਈ ਵੀ ਨਾਮਜ਼ਦ ਹੋਇਆ ਅਤੇ ਦੁਨੀਆ ਭਰ ਦੇ ਹਜ਼ਾਰਾਂ ਬੱਚਿਆਂ ਵਿਚੋਂ ਉਹ ਪੰਜਵੇਂ ਸਥਾਨ ਤੱਕ ਪਹੁੰਚੀ। ਮਲਾਲਾ ਦੇ ਪਿਤਾ, ਜੋ ਖ਼ੁਦ ਇਕ ਸਮਾਜਿਕ ਕਾਰਜਕਰਤਾ ਅਤੇ ਦਿਲੇਰੀ ਨਾਲ ਬੋਲਣ ਵਾਲੇ ਵਿਅਕਤੀ ਹਨ, ਨੇ ਆਪਣੀ ਇਸ ਲੜਕੀ ਦਾ ਨਾਂਅ ਮਾਈਵੰਦ ਦੀ ਬਹਾਦਰ ਔਰਤ ਮਾਲਾਲਈ ਤੋਂ ਪ੍ਰਭਾਵਿਤ ਹੋ ਕੇ ਰੱਖਿਆ ਸੀ, ਜਿਸ ਨੇ 17 ਜੁਲਾਈ, 1880 ਨੂੰ ਆਪਣੇ ਕਬੀਲੇ ਦੀ ਅਗਵਾਈ ਕਰਦਿਆਂ ਅੰਗਰੇਜ਼ਾਂ ਨੂੰ ਵੱਡੀ ਹਾਰ ਦਿੱਤੀ ਸੀ। ਕਿਹਾ ਜਾਂਦਾ ਹੈ ਕਿ ਮਾਲਾਲਈ ਦੇ ਕਬੀਲੇ ਦਾ ਲਸ਼ਕਰ ਹਾਰ ਕੇ ਭੱਜਾ ਜਾ ਰਿਹਾ ਸੀ। ਉਸ ਨੇ ਆਪਣੇ ਕਬੀਲੇ ਦੇ ਲਸ਼ਕਰ ਨੂੰ ਮੁੜ ਇਕੱਠਾ ਕੀਤਾ ਅਤੇ ਅਗਵਾਈ ਦਿੱਤੀ। ਇਸ ਲੜਾਈ ਵਿਚ ਅੰਗਰੇਜ਼ਾਂ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ। ਪਰ ਮਲਾਲਾ ਨੂੰ ਆਪਣਾ ਇਹ ਨਾਂਅ ਪਸੰਦ ਨਹੀਂ ਸੀ। ਕਿਉਂਕਿ ਉਸ ਨੇ ਹੋਸ਼ ਸੰਭਾਲਣ ਤੋਂ ਬਾਅਦ ਸਵਾਤ ਵਿਚ ਦੁੱਖ-ਤਕਲੀਫਾਂ ਅਤੇ ਜ਼ੁਲਮ ਜਬਰ ਹੀ ਦੇਖੇ ਸਨ। ਇਸ ਲਈ ਉਹ ਆਪਣੇ ਨਾਂਅ ਨੂੰ ਥੋੜ੍ਹੀ ਨਫ਼ਰਤ ਕਰਦੀ ਸੀ ਅਤੇ ਉਹ ਮਲਾਲਾ ਦੇ ਅਰਥ 'ਦੁੱਖਾਂ ਨਾਲ ਭੰਨੀ ਹੋਈ' ਜ਼ਿੰਦਗੀ ਦੇ ਰੂਪ ਵਿਚ ਕਰਦੀ ਸੀ। ਜਿਥੋਂ ਤੱਕ ਉਸ ਦੇ ਕਲਮੀ ਨਾਂਅ ਗੁਲ ਮੱਕੀ ਦਾ ਸਬੰਧ ਹੈ, ਇਹ ਨਾਂਅ ਪਖਤੂਨ ਲੋਕ ਨਾਇਕਾ ਦੇ ਨਾਂਅ 'ਤੇ ਰੱਖਿਆ ਗਿਆ ਸੀ, ਜਿਸ ਨੂੰ ਸਵਾਤ ਘਾਟੀ ਦੀਆਂ ਲੋਕ ਕਹਾਣੀਆਂ ਵਿਚ ਇਕ ਸ਼ਾਇਰਾ ਅਤੇ ਇਕ ਬਹਾਦਰ ਨਾਇਕਾ ਦੇ ਰੂਪ ਵਿਚ ਜਾਣਿਆ ਜਾਂਦਾ ਹੈ। ਉਸ ਦਾ ਇਹ ਕਲਮੀ ਨਾਂਅ ਇਸ ਲਈ ਰੱਖਿਆ ਗਿਆ ਸੀ ਕਿ ਤਾਲਿਬਾਨ ਨੂੰ ਪਤਾ ਨਾ ਲੱਗੇ, ਪਰ ਜਦੋਂ ਉਸ ਦੀ ਕੌਮੀ ਪੱਧਰ 'ਤੇ ਚਰਚਾ ਹੋ ਗਈ ਤਾਂ ਉਸ ਦਾ ਅਸਲੀ ਨਾਂਅ ਨਸ਼ਰ ਹੋ ਗਿਆ।

3 ਜਨਵਰੀ, 2009 ਨੂੰ ਆਪਣੇ ਪਹਿਲੇ ਬਲਾਗ ਵਿਚ ਉਸ ਨੇ ਲਿਖਿਆ ਸੀ, 'ਬੀਤੇ ਦਿਨ ਮੈਨੂੰ ਬੜਾ ਭਿਆਨਕ ਸੁਪਨਾ ਆਇਆ, ਜਿਸ ਵਿਚ ਮੈਂ ਫ਼ੌਜੀ ਹੈਲੀਕਾਪਟਰਾਂ ਅਤੇ ਤਾਲਿਬਾਨ ਨੂੰ ਦੇਖਿਆ। ਸਵਾਤ ਘਾਟੀ ਵਿਚ ਫ਼ੌਜੀ ਕਾਰਵਾਈ ਸ਼ੁਰੂ ਹੋਣ ਤੋਂ ਹੀ ਮੈਨੂੰ ਇਹੋ ਜਿਹੇ ਸੁਪਨੇ ਆਉਂਦੇ ਹਨ। ਮੇਰੀ ਮਾਂ ਮੇਰੇ ਲਈ ਸਵੇਰ ਦਾ ਨਾਸ਼ਤਾ ਤਿਆਰ ਕਰਦੀ ਹੈ ਅਤੇ ਮੈਂ ਸਕੂਲ ਚਲੀ ਜਾਂਦੀ ਹਾਂ। ਮੈਨੂੰ ਸਕੂਲ ਜਾਣ ਤੋਂ ਡਰ ਲਗਦਾ ਹੈ ਕਿਉਂਕਿ ਤਾਲਿਬਾਨ ਨੇ ਲੜਕੀਆਂ ਦੇ ਸਕੂਲ ਜਾਣ 'ਤੇ ਪਾਬੰਦੀ ਲਾਉਣ ਸਬੰਧੀ ਫਤਵਾ ਜਾਰੀ ਕੀਤਾ ਹੋਇਆ ਹੈ। ਸਾਡੀ 27 ਵਿਦਿਆਰਥੀਆਂ ਦੀ ਕਲਾਸ ਵਿਚੋਂ ਸਿਰਫ 11 ਵਿਦਿਆਰਥੀਆਂ ਪੜ੍ਹਨ ਆਏ ਹਨ। ਤਾਲਿਬਾਨ ਦੇ ਫਤਵੇ ਕਾਰਨ ਵਿਦਿਆਰਥੀਆਂ ਦੀ ਗਿਣਤੀ ਘੱਟ ਗਈ ਹੈ। ਮੇਰੇ ਤਿੰਨ ਦੋਸਤ ਫਤਵਾ ਜਾਰੀ ਹੋਣ ਤੋਂ ਬਾਅਦ ਆਪਣੇ ਪਰਿਵਾਰਾਂ ਸਮੇਤ ਪਿਸ਼ਾਵਰ, ਲਾਹੌਰ ਅਤੇ ਰਾਵਲਪਿੰਡੀ ਨੂੰ ਚਲੇ ਗਏ ਹਨ। ਜਦੋਂ ਮੈਂ ਸਕੂਲ ਤੋਂ ਵਾਪਸ ਆ ਰਹੀ ਸਾਂ, ਤਾਂ ਇਕ ਵਿਅਕਤੀ ਨੂੰ ਇਹ ਕਹਿੰਦਿਆਂ ਸੁਣਿਆ, 'ਮੈਂ ਤੈਨੂੰ ਮਾਰ ਦਿਆਂਗਾ।' ਮੈਂ ਤੇਜ਼-ਤੇਜ਼ ਕਦਮ ਪੁੱਟਣੇ ਸ਼ੁਰੂ ਕਰ ਦਿੱਤੇ ਅਤੇ ਫਿਰ ਪਿੱਛੇ ਮੁੜ ਕੇ ਦੇਖਿਆ ਕਿ, ਕੀ ਉਹ ਆਦਮੀ ਅਜੇ ਵੀ ਮੇਰੇ ਪਿੱਛੇ ਆ ਰਿਹਾ ਹੈ। ਪਰ ਮੇਰੇ ਲਈ ਇਹ ਰਾਹਤ ਦੀ ਗੱਲ ਸੀ ਕਿ ਉਹ ਕਿਸੇ ਹੋਰ ਨਾਲ ਮੋਬਾਈਲ 'ਤੇ ਗੱਲ ਕਰ ਰਿਹਾ ਸੀ ਅਤੇ ਹੋ ਸਕਦਾ ਹੈ ਕਿ ਉਹ ਕਿਸੇ ਹੋਰ ਨੂੰ ਫੋਨ 'ਤੇ ਧਮਕੀਆਂ ਦੇ ਰਿਹਾ ਹੋਵੇ।'

14 ਜਨਵਰੀ, 2009 ਨੂੰ ਬਲਾਗ ਲਈ ਭੇਜੀ ਆਪਣੀ ਡਾਇਰੀ ਵਿਚ ਉਸ ਨੇ ਲਿਖਿਆ ਹੈ, 'ਸਕੂਲ ਜਾਣ ਸਮੇਂ ਮੇਰਾ ਮਨ ਬਹੁਤ ਖਰਾਬ ਸੀ ਕਿਉਂਕਿ ਕੱਲ੍ਹ ਤੋਂ ਸਰਦੀਆਂ ਦੀਆਂ ਛੁੱਟੀਆਂ ਆਰੰਭ ਹੋ ਰਹੀਆਂ ਸਨ। ਪ੍ਰਿੰਸੀਪਲ ਨੇ ਛੁੱਟੀਆਂ ਦਾ ਐਲਾਨ ਤਾਂ ਕਰ ਦਿੱਤਾ ਪਰ ਇਹ ਜ਼ਿਕਰ ਨਾ ਕੀਤਾ ਕਿ ਸਕੂਲ ਮੁੜ ਕਦੋਂ ਖੁੱਲ੍ਹੇਗਾ। ਕੁੜੀਆਂ ਛੁੱਟੀਆਂ ਬਾਰੇ ਬਹੁਤੀਆਂ ਉਤਸ਼ਾਹਿਤ ਨਹੀਂ ਸਨ, ਕਿਉਂਕਿ ਉਹ ਜਾਣਦੀਆਂ ਸਨ ਕਿ ਜੇਕਰ ਤਾਲਿਬਾਨ ਦੇ ਫਤਵੇ 'ਤੇ ਅਮਲ ਹੋਇਆ ਤਾਂ ਉਹ ਮੁੜ ਸਕੂਲ ਨਹੀਂ ਆ ਸਕਣਗੀਆਂ। ਮੇਰਾ ਵਿਚਾਰ ਸੀ ਕਿ ਇਕ ਦਿਨ ਸਕੂਲ ਜ਼ਰੂਰ ਮੁੜ ਖੁੱਲ੍ਹੇਗਾ। ਪਰ ਸਕੂਲ ਨੂੰ ਛੱਡਦਿਆਂ ਮੈਂ ਪਿੱਛੇ ਮੁੜ ਕੇ ਸਕੂਲ ਦੀ ਇਮਾਰਤ ਵੱਲ ਇਵੇਂ ਵੇਖਿਆ ਕਿ ਜਿਵੇਂ ਮੈਂ ਇਥੇ ਮੁੜ ਕੇ ਨਹੀਂ ਆ ਸਕਾਂਗੀ।' 15 ਜਨਵਰੀ, 2009 ਨੂੰ ਆਪਣੀ ਡਾਇਰੀ ਵਿਚ ਉਸ ਨੇ ਲਿਖਿਆ, 'ਰਾਤ ਅੱਗ ਉਗਲਦੀਆਂ ਤੋਪਾਂ ਦੀ ਆਵਾਜ਼ ਨਾਲ ਭਰੀ ਹੋਈ ਸੀ ਅਤੇ ਮੈਂ ਤਿੰਨ ਵਾਰ ਨੀਂਦ ਵਿਚੋਂ ਜਾਗ ਪਈ। ਪਰ ਕਿਉਂਕਿ ਮੈਂ ਸਕੂਲ ਨਹੀਂ ਸੀ ਜਾਣਾ, ਇਸ ਲਈ ਮੈਂ ਸਵੇਰੇ 10 ਵਜੇ ਹੀ ਬਿਸਤਰ ਤੋਂ ਉੱਠੀ। ਇਸ ਤੋਂ ਬਾਅਦ ਮੇਰੀਆਂ ਸਹੇਲੀਆਂ ਆ ਗਈਆਂ ਅਤੇ ਅਸੀਂ ਆਪਣੇ ਸਕੂਲ ਦੇ ਕੰਮ ਬਾਰੇ ਵਿਚਾਰਾਂ ਕੀਤੀਆਂ। ਅੱਜ ਦਾ ਦਿਨ ਤਾਲਿਬਾਨ ਦੇ ਲੜਕੀਆਂ ਦੀ ਸਿੱਖਿਆ 'ਤੇ ਰੋਕ ਲਾਉਣ ਸਬੰਧੀ ਫਤਵੇ ਦੇ ਲਾਗੂ ਹੋਣ ਤੋਂ ਪਹਿਲਾਂ ਦਾ ਆਖਰੀ ਦਿਨ ਸੀ। ਪਰ ਮੇਰੀਆਂ ਸਹੇਲੀਆਂ ਆਪਣੇ ਸਕੂਲ ਦੇ ਕੰਮ ਸਬੰਧੀ ਇਸ ਤਰ੍ਹਾਂ ਵਿਚਾਰਾਂ ਕਰ ਰਹੀਆਂ ਸਨ, ਜਿਵੇਂ ਕੁਝ ਵੀ ਅਸਾਧਾਰਨ ਨਾ ਵਾਪਰਿਆ ਹੋਵੇ। ਅੱਜ ਮੈਂ ਬੀ.ਬੀ.ਸੀ. ਲਈ ਉਰਦੂ ਵਿਚ ਲਿਖੀ ਹੋਈ ਆਪਣੀ ਡਾਇਰੀ ਨੂੰ ਪੜ੍ਹਿਆ। ਮੇਰੇ ਪਿਤਾ ਨੂੰ ਮੇਰਾ ਕਲਮੀ ਨਾਂਅ 'ਗੁੱਲ ਮੱਕੀ' ਬੇਹੱਦ ਪਸੰਦ ਹੈ। ਮੈਂ ਵੀ ਇਸ ਨਾਂਅ ਨੂੰ ਪਸੰਦ ਕਰਦੀ ਹਾਂ ਕਿਉਂਕਿ ਮੇਰੇ ਅਸਲੀ ਨਾਂਅ ਦੇ ਅਰਥ ਹਨ ਦੁੱਖਾਂ ਨਾਲ ਭੰਨੀ ਹੋਈ।

ਆਪਣੇ ਉੱਪਰ ਤਾਲਿਬਾਨ ਦੇ ਹਮਲੇ ਤੋਂ ਕੁਝ ਦਿਨ ਪਹਿਲਾਂ 28 ਸਤੰਬਰ, 2012 ਨੂੰ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਸ ਨੇ ਕਿਹਾ ਸੀ, 'ਮੈਂ ਕਿਸੇ ਇਨਾਮ ਲਈ ਨਹੀਂ ਲੜ ਰਹੀ। ਨਾ ਹੀ ਮੈਂ ਕਿਸੇ ਲਿਸਟ ਵਿਚ ਆਪਣਾ ਨਾਂਅ ਲਿਖਵਾਉਣ ਲਈ ਸੰਘਰਸ਼ ਕਰ ਰਹੀ ਹਾਂ। ਮੇਰੇ ਲਈ ਮੇਰਾ, ਲੜਕੀਆਂ ਦੀ ਅਤੇ ਬੱਚਿਆਂ ਦੀ ਸਿੱਖਿਆ ਦੇ ਅਧਿਕਾਰ ਲਈ ਲੜਨ ਦਾ ਮਿਸ਼ਨ ਸਭ ਤੋਂ ਵੱਧ ਅਹਿਮੀਅਤ ਰੱਖਦਾ ਹੈ ਅਤੇ ਇਸ ਨੂੰ ਮੈਂ ਅੰਤ ਤੱਕ ਜਾਰੀ ਰੱਖਾਂਗੀ।' ਉਹ ਆਰੰਭ ਵਿਚ ਡਾਕਟਰ ਬਣਨਾ ਚਾਹੁੰਦੀ ਸੀ ਪਰ ਕੌਮੀ ਐਵਾਰਡ ਮਿਲਣ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਸ ਨੇ ਇਹ ਵੀ ਕਿਹਾ ਸੀ ਕਿ ਉਹ ਆਪਣੀ ਇਕ ਰਾਜਨੀਤਕ ਪਾਰਟੀ ਬਣਾਏਗੀ, ਜਿਸ ਦੇ ਯੂਨਿਟ ਪਾਕਿਸਤਾਨ ਦੇ ਸਾਰੇ ਚਾਰ ਸੂਬਿਆਂ ਵਿਚ ਹੋਣਗੇ ਅਤੇ ਉਸ ਵਿਚ ਸਿੱਖਿਆ ਦੇ ਅਧਿਕਾਰਾਂ ਲਈ ਲੜਨ ਵਾਲੇ ਲੋਕਾਂ ਨੂੰ ਸ਼ਾਮਿਲ ਕੀਤਾ ਜਾਵੇਗਾ।

ਇਸ ਸਮੇਂ ਇਹ ਬਹਾਦਰ ਲੜਕੀ ਰਾਵਲਪਿੰਡੀ ਦੇ ਫ਼ੌਜੀ ਹਸਪਤਾਲ ਵਿਚ ਜ਼ਿੰਦਗੀ ਅਤੇ ਮੌਤ ਨਾਲ ਸੰਘਰਸ਼ ਕਰ ਰਹੀ ਹੈ। ਮੰਗੋਰਾ ਵਿਚ ਤਾਲਿਬਾਨੀ ਹਮਲੇ ਤੋਂ ਬਾਅਦ ਉਸ ਨੂੰ ਪਿਸ਼ਾਵਰ ਦੇ ਫ਼ੌਜੀ ਹਸਪਤਾਲ ਵਿਚ ਲਿਜਾਇਆ ਗਿਆ ਸੀ, ਜਿਥੇ ਡਾਕਟਰਾਂ ਨੇ ਸਫਲਤਾ ਨਾਲ ਆਪ੍ਰੇਸ਼ਨ ਕਰਕੇ ਉਸ ਦੇ ਦਿਮਾਗ ਵਿਚੋਂ ਗੋਲੀ ਬਾਹਰ ਕੱਢ ਦਿੱਤੀ ਸੀ। ਇਸ ਤੋਂ ਬਾਅਦ ਉਸ ਨੂੰ ਹੋਰ ਵਧੇਰੇ ਚੰਗੀ ਦੇਖਭਾਲ ਲਈ ਰਾਵਲਪਿੰਡੀ ਦੇ ਹਸਪਤਾਲ ਤਬਦੀਲ ਕਰ ਦਿੱਤਾ ਗਿਆ। ਪਾਕਿਸਤਾਨ ਦੇ ਮਾਹਿਰ ਫ਼ੌਜੀ, ਗ਼ੈਰ-ਫ਼ੌਜੀ ਅਤੇ ਦੋ ਬਰਤਾਨਵੀ ਡਾਕਟਰ ਉਸ ਦੀ ਦੇਖਭਾਲ ਵਿਚ ਲੱਗੇ ਹੋਏ ਹਨ। ਡਾਕਟਰਾਂ ਦੇ ਅਨੁਸਾਰ ਅਗਲੇ 48 ਘੰਟੇ (ਕਾਲਮ ਲਿਖੇ ਜਾਣ ਤਕ) ਉਸ ਲਈ ਬੇਹੱਦ ਅਹਿਮ ਹਨ। ਡਾਕਟਰਾਂ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਭਾਵੇਂ ਉਸ ਦੇ ਦਿਮਾਗ ਨੂੰ ਕੁਝ ਨੁਕਸਾਨ ਪਹੁੰਚਿਆ ਹੈ ਪਰ ਉਸ ਦੇ ਦਿਮਾਗ ਨੂੰ ਬਹੁਤ ਜ਼ਿਆਦਾ ਨੁਕਸਾਨ ਨਹੀਂ ਪਹੁੰਚਿਆ। ਉਸ ਦੇ ਸਿਹਤਯਾਬ ਹੋਣ ਦੀਆਂ 70 ਫ਼ੀਸਦੀ ਸੰਭਾਵਨਾਵਾਂ ਮੌਜੂਦ ਹਨ।

ਮਲਾਲਾ ਯੂਸਫਜ਼ਈ 'ਤੇ ਤਾਲਿਬਾਨ ਵੱਲੋਂ ਕੀਤੇ ਗਏ ਇਸ ਘਿਨੌਣੇ ਹਮਲੇ ਦੀ ਦੇਸ਼ ਵਿਚ ਸਖ਼ਤ ਆਲੋਚਨਾ ਹੋ ਰਹੀ ਹੈ। ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ, ਵਿਦੇਸ਼ ਮੰਤਰੀ ਹਿਲੇਰੀ ਕਲਿੰਟਨ ਅਤੇ ਬਹੁਤ ਸਾਰੇ ਹੋਰ ਦੇਸ਼ਾਂ ਦੇ ਮੁਖੀਆਂ ਅਤੇ ਇਥੋਂ ਤੱਕ ਕਿ ਸੰਯੁਕਤ ਰਾਸ਼ਟਰ ਸੰਘ ਦੇ ਸਕੱਤਰ ਜਨਰਲ ਬਾਨ ਕੀ ਮੂਨ ਨੇ ਵੀ ਇਸ ਹਮਲੇ ਨੂੰ ਬੇਹੱਦ ਘਿਨੌਣਾ ਅਤੇ ਕਾਇਰਾਨਾ ਕਾਰਵਾਈ ਕਰਾਰ ਦਿੱਤਾ ਹੈ।

ਪਿਛਲੇ ਕਈ ਸਾਲਾਂ ਤੋਂ ਤਾਲਿਬਾਨਾਂ ਦੇ ਡਰ ਹੇਠ ਜੀਅ ਰਹੇ ਪਾਕਿਸਤਾਨ ਦੇ ਲੋਕਾਂ ਨੂੰ ਵੀ ਇਸ ਹਮਲੇ ਨੇ ਗਲੀਆਂ-ਬਾਜ਼ਾਰਾਂ ਵਿਚ ਆ ਕੇ ਆਵਾਜ਼ ਬੁਲੰਦ ਕਰਨ ਲਈ ਅੰਦੋਲਤ ਕਰ ਦਿੱਤਾ ਹੈ। ਮੁਹਾਜਰ ਕੌਮੀ ਮੁਹਾਜ਼ ਦੇ ਇੰਗਲੈਂਡ ਵਿਚ ਰਹਿੰਦੇ ਮੁਖੀ ਅਲਤਾਫ ਹੁਸੈਨ ਨੇ ਪਾਕਿਸਤਾਨ ਦੇ ਮੌਲਾਣਿਆਂ ਨੂੰ ਇਹ ਧਮਕੀ ਦਿੱਤੀ ਹੈ ਕਿ ਉਹ 48 ਘੰਟਿਆਂ ਦੇ ਅੰਦਰ-ਅੰਦਰ ਤਾਲਿਬਾਨ ਦੇ ਇਸ ਕਾਰੇ ਵਿਰੁੱਧ ਆਵਾਜ਼ ਬੁਲੰਦ ਕਰਨ, ਨਹੀਂ ਤਾਂ ਉਹ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਨੰਗੇ ਕਰ ਦੇਵੇਗਾ। ਉਸ ਨੇ ਆਪਣੀ ਪਾਰਟੀ ਦੇ ਵਰਕਰਾਂ ਨੂੰ ਇਸ ਕਾਰੇ ਵਿਰੁੱਧ ਖਾਮੋਸ਼ ਰਹਿਣ ਵਾਲੇ ਮੌਲਾਣਿਆਂ ਅਤੇ ਹੋਰ ਧਾਰਮਿਕ ਆਗੂਆਂ ਦੀਆਂ ਲਿਸਟਾਂ ਤਿਆਰ ਕਰਨ ਦੇ ਆਦੇਸ਼ ਵੀ ਦੇ ਦਿੱਤੇ ਹਨ। ਖ਼ੈਬਰ ਪਖਤੂਨਖਵਾ ਦੀ ਸਰਕਾਰ ਨੇ ਦੋਸ਼ੀ ਤਾਲਿਬਾਨ ਬਾਰੇ ਜਾਣਕਾਰੀ ਦੇਣ ਵਾਲੇ ਲਈ ਇਕ ਕਰੋੜ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ ਅਤੇ ਰਾਜ ਵਿਚ ਮਲਾਲਾ ਯੂਸਫਜ਼ਈ ਦੀ ਸਿਹਤਯਾਬੀ ਲਈ ਦੁਆ ਕਰਨ ਵਾਸਤੇ 'ਜੁੰਮੇ-ਦੁਆ ਦਿਵਸ' ਮਨਾਉਣ ਦਾ ਸੱਦਾ ਵੀ ਦਿੱਤਾ ਹੈ। ਸਵਾਤ ਘਾਟੀ ਅਤੇ ਖੈਬਰ ਪਖਤੂਨਖਵਾ ਦੇ ਹੋਰ ਇਲਾਕਿਆਂ ਵਿਚ ਸਕੂਲੀ ਲੜਕੀਆਂ ਮਲਾਲਾ ਯੂਸਫਜ਼ਈ ਦੀ ਸਿਹਤਯਾਬੀ ਲਈ ਦੁਆ ਕਰਦੀਆਂ ਵੇਖੀਆਂ ਗਈਆਂ ਹਨ ਅਤੇ ਬਹੁਤ ਸਾਰੀਆਂ ਲੜਕੀਆਂ ਤਾਲਿਬਾਨ ਦੇ ਇਸ ਹਮਲੇ ਵਿਰੁੱਧ ਗਲੀਆਂ-ਬਾਜ਼ਾਰਾਂ ਵਿਚ ਵੀ ਆਈਆਂ ਹਨ।

ਪਾਕਿਸਤਾਨ ਦੀ ਵਿਦੇਸ਼ ਮੰਤਰੀ ਹਿਨਾ ਰੱਬਾਨੀ ਖਾਰ ਨੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਮਲਾਲਾ ਯੂਸਫਜ਼ਈ 'ਤੇ ਹਮਲਾ ਪਾਕਿਸਤਾਨ ਦੇ ਇਤਿਹਾਸ ਵਿਚ ਇਕ ਨਿਰਣਾਇਕ ਮੋੜ ਸਾਬਤ ਹੋਵੇਗਾ ਅਤੇ ਪਾਕਿਸਤਾਨ ਦੇ ਲੋਕ ਹੁਣ ਇਸਲਾਮੀ ਅੱਤਵਾਦ ਵਿਰੁੱਧ ਸੰਘਰਸ਼ ਲਈ ਅੱਗੇ ਆਉਣਗੇ। ਪਾਕਿਸਤਾਨ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਲਾਹੌਰ ਵਿਚ 50 ਸੁੰਨੀ ਮੌਲਾਣਿਆਂ ਨੇ ਮਲਾਲਾ 'ਤੇ ਹਮਲੇ ਦੀ ਨਿੰਦਾ ਕਰਦਿਆਂ ਤਾਲਿਬਾਨ ਦੇ ਖਿਲਾਫ਼ ਫਤਵਾ ਜਾਰੀ ਕੀਤਾ ਹੈ ਅਤੇ ਇਹ ਵੀ ਆਖਿਆ ਹੈ ਕਿ ਇਸਲਾਮ ਵਿਚ ਲੜਕੀਆਂ ਦੀ ਸਿੱਖਿਆ ਦੀ ਕੋਈ ਮਨਾਹੀ ਨਹੀਂ ਹੈ। ਤਾਲਿਬਾਨ ਭੁੱਲੜ ਲੋਕ ਹਨ ਅਤੇ ਇਸਲਾਮ ਦੀ ਗ਼ਲਤ ਵਿਆਖਿਆ ਕਰ ਰਹੇ ਹਨ।

ਦੁਨੀਆ ਦੇ ਇਤਿਹਾਸ ਵਿਚ ਕਈ ਵਾਰ ਅਜਿਹੇ ਮੌਕੇ ਆਉਂਦੇ ਹਨ ਜਦੋਂ ਜ਼ੁਲਮ ਤੇ ਜਬਰ ਦੀ ਅੱਤ ਹੋ ਜਾਂਦੀ ਹੈ ਅਤੇ ਕੋਈ ਇਕ ਸ਼ਖ਼ਸੀਅਤ ਅਜਿਹੇ ਜ਼ੁਲਮ ਤੇ ਜਬਰ ਦੇ ਵਿਰੋਧ ਦਾ ਪ੍ਰਤੀਕ ਹੋ ਨਿਬੜਦੀ ਹੈ ਅਤੇ ਇਤਿਹਾਸ ਨੂੰ ਨਵਾਂ ਮੋੜ ਦੇ ਦਿੰਦੀ ਹੈ। ਮਲਾਲਾ ਯੂਸਫਜ਼ਈ ਅਜਿਹੀ ਹੀ ਸ਼ਖ਼ਸੀਅਤ ਹੋ ਨਿਬੜੇ ਅਤੇ ਉਸ 'ਤੇ ਹੋਇਆ ਹਮਲਾ ਪਾਕਿਸਤਾਨ ਦੇ ਇਤਿਹਾਸ ਵਿਚ ਇਕ ਨਵਾਂ ਮੋੜ ਲਿਆਉਣ ਵਾਲਾ ਸਾਬਤ ਹੋਵੇ, ਅਜਿਹੀ ਹੀ ਸਾਡੀ ਕਾਮਨਾ ਹੈ। ਇਨ੍ਹਾਂ ਸ਼ਬਦਾਂ ਨਾਲ ਹੀ ਅਸੀਂ ਪਾਕਿਸਤਾਨ ਦੀ ਇਸ ਬਹਾਦਰ ਲੜਕੀ ਨੂੰ ਸਲਾਮ ਕਰਦੇ ਹਾਂ। ਇਸੇ ਦੌਰਾਨ ਮਲਾਲਾ ਯੂਸਫਜ਼ਈ ਦੇ ਪਿਤਾ ਜ਼ਿਆ-ਉੱਦ-ਦੀਨ ਨੇ ਕਿਹਾ ਹੈ ਕਿ ਉਨ੍ਹਾਂ ਦੀ ਲੜਕੀ ਬਚੇ, ਚਾਹੇ ਨਾ ਬਚੇ, ਉਹ ਆਪਣਾ ਦੇਸ਼ ਨਹੀਂ ਛੱਡਣਗੇ। ਸ਼ਾਂਤੀ ਲਈ ਲੜਨ ਦੀ ਪਖਤੂਨਾਂ ਦੀ ਪਰੰਪਰਾ ਹੈ ਅਤੇ ਉਹ ਉਸ ਨੂੰ ਨਿਭਾਉਣਗੇ।

ਸਤਨਾਮ ਸਿੰਘ ਮਾਣਕ

Post Comment

ਸ੍ਰੀ ਹਰਿਮੰਦਰ ਸਾਹਿਬ 'ਚ ਹੁਣ 'ਪਿੰਨੀ ਪ੍ਰਸ਼ਾਦ' ਵੀ ਮਿਲਿਆ ਕਰੇਗਾ

151 ਰੁਪਏ ਦੀ ਭੇਟਾ 'ਤੇ ਮਿਲੇਗਾ ਪ੍ਰਸ਼ਾਦ ਤੇ ਸਿਰੋਪਾਓ
ਇਕੱਲੇ ਪ੍ਰਸ਼ਾਦ ਦੀ ਭੇਟਾ 20 ਰੁਪਏ

ਤਖ਼ਤ ਸ੍ਰੀ ਪਟਨਾ ਸਾਹਿਬ, ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ, ਸ੍ਰੀ ਹੇਮਕੁੰਟ ਸਾਹਿਬ ਤੇ ਹੋਰ ਦੂਰ-ਦੁਰਾਡੇ ਸਥਿਤ ਗੁਰਧਾਮਾਂ ਦੀ ਤਰ੍ਹਾਂ ਦੇਸ਼-ਵਿਦੇਸ਼ ਤੋਂ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਣ ਆਉਣ ਵਾਲੀਆਂ ਸੰਗਤਾਂ ਦੀਆਂ ਭਾਵਨਾਵਾਂ ਦੇ ਮੱਦੇਨਜ਼ਰ ਸ਼੍ਰੋਮਣੀ ਕਮੇਟੀ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਤੋਂ 'ਪਿੰਨੀ ਪ੍ਰਸ਼ਾਦ' ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ਼ਰਧਾਲੂਆਂ ਵੱਲੋਂ ਭੇਟ ਕੀਤੇ ਜਾਣ ਵਾਲੇ ਕੜਾਹ ਪ੍ਰਸ਼ਾਦ ਦੀ ਦੇਗ ਨੂੰ ਭੋਗ ਲਾਉਣ ਦਾ ਸਥਾਨ ਬਦਲਕੇ 'ਦਰਸ਼ਨੀ ਡਿਓਢੀ' ਕਰ ਦਿੱਤਾ ਗਿਆ ਹੈ। ਚੌਥੇ ਪਾਤਸ਼ਾਹ ਗੁਰੂ ਰਾਮਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਸ਼੍ਰੋਮਣੀ ਕਮੇਟੀ ਵੱਲੋਂ ਸ੍ਰੀ ਹਰਿਮੰਦਰ ਸਾਹਿਬ ਦੀ ਪ੍ਰਕਰਮਾ ਵਿਖੇ ਕੜਾਹ ਪ੍ਰਸ਼ਾਦ ਪ੍ਰਾਪਤ ਕਰਨ ਵਾਲੀਆਂ ਖਿੜਕੀਆਂ ਤੋਂ ਪਹਿਲਾਂ 3 ਖਿੜਕੀਆਂ 'ਪਿੰਨੀ ਪ੍ਰਸ਼ਾਦ' ਲਈ 8 ਅਕਤੂਬਰ ਸੋਮਵਾਰ 'ਤੋਂ ਖੋਲ੍ਹੀਆਂ ਜਾ ਰਹੀਆਂ ਹਨ ਜਿਸ ਦੀ ਤਿਆਰੀ ਲਗਭਗ ਮੁਕੰਮਲ ਹੋ ਗਈ ਹੈ ਤੇ ਅੱਜ ਅਰਦਾਸ ਕਰਕੇ 'ਪਿੰਨੀ ਪ੍ਰਸ਼ਾਦ' ਤਿਆਰ ਕਰਨ ਦਾ ਕੰਮ ਆਰੰਭ ਕਰ ਦਿੱਤਾ ਗਿਆ। 

'ਪਿੰਨੀ ਪ੍ਰਸ਼ਾਦ' ਪ੍ਰਾਪਤ ਕਰਨ ਲਈ ਸ਼ਰਧਾਲੂਆਂ ਲਈ ਸ਼੍ਰੋਮਣੀ ਕਮੇਟੀ ਵੱਲੋਂ 151 ਰੁਪਏ ਭੇਟਾ ਰੱਖੀ ਗਈ ਹੈ, ਜਿਸ ਵਿਚ ਇਕ 'ਸਿਰੋਪਾਓ' ਤੇ ਇਕ 'ਪਿੰਨੀ ਪ੍ਰਸ਼ਾਦ' ਦੀ ਪਲਾਸਟਿਕ ਦੀ ਥੈਲੀ ਹੋਵੇਗੀ। ਇਸ ਤੋਂ ਇਲਾਵਾ ਵੱਖਰੇ ਤੌਰ 'ਤੇ ਜੋ ਸ਼ਰਧਾਲੂ ਸਿਰਫ਼ 'ਪਿੰਨੀ ਪ੍ਰਸ਼ਾਦ' ਪ੍ਰਾਪਤ ਕਰਨਾ ਚਾਹੁੰਦੇ ਹੋਣਗੇ, ਉਨ੍ਹਾਂ ਲਈ ਭੇਟਾ 20 ਰੁਪਏ ਪ੍ਰਤੀ ਥੈਲੀ ਰੱਖੀ ਗਈ ਹੈ। ਇਸ ਸਬੰਧੀ ਮੈਨੇਜਰ ਸ੍ਰੀ ਦਰਬਾਰ ਸਾਹਿਬ ਸ: ਹਰਬੰਸ ਸਿੰਘ ਮੱਲ੍ਹੀ ਨੇ ਦੱਸਿਆ ਕਿ ਦੇਸ਼-ਵਿਦੇਸ਼ 'ਤੋਂ ਆਉਣ ਵਾਲੀਆਂ ਸੰਗਤਾਂ ਦੀਆਂ ਭਾਵਨਾਵਾਂ ਨੂੰ ਧਿਆਨ 'ਚ ਰੱਖਦਿਆਂ ਸ਼੍ਰੋਮਣੀ ਕਮੇਟੀ ਵੱਲੋਂ ਕੜਾਹ ਪ੍ਰਸ਼ਾਦ ਦੀ ਦੇਗ ਨਾਲ ਪਹਿਲੀ ਵਾਰ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਤੋਂ 'ਪਿੰਨੀ ਪ੍ਰਸ਼ਾਦ' ਸ਼ੁਰੂ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਦੇਸ਼ ਦੇ ਵੱਖ-ਵੱਖ ਕੋਨਿਆਂ ਤੇ ਵਿਦੇਸ਼ਾਂ 'ਚ ਵਸਦੇ ਸਿੱਖ ਸ਼ਰਧਾਲੂਆਂ 'ਚ ਸ੍ਰੀ ਹਰਿਮੰਦਰ ਸਾਹਿਬ ਦਾ ਪ੍ਰਸ਼ਾਦ ਆਪਣੇ ਨਾਲ ਲੈ ਕੇ ਜਾਣ ਦੀ ਇੱਛਾ ਹੁੰਦੀ ਸੀ ਤੇ ਕੜਾਹ ਪ੍ਰਸ਼ਾਦ ਦੇ ਖ਼ਰਾਬ ਹੋਣ ਦੇ ਡਰ ਕਰਕੇ ਜ਼ਿਆਦਾ ਦੇਰ ਤੱਕ ਨਾ ਰੱਖੇ ਜਾਣ 'ਤੇ ਸ਼ਰਧਾਲੂਆਂ ਦੀ ਇਹ ਇੱਛਾ ਅਧੂਰੀ ਰਹਿ ਜਾਂਦੀ ਸੀ, ਜਿਸ ਨੂੰ ਧਿਆਨ 'ਚ ਰੱਖਦਿਆਂ ਸ਼੍ਰੋਮਣੀ ਕਮੇਟੀ ਵੱਲੋਂ ਇਹ ਉਪਰਾਲਾ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ 'ਪਿੰਨੀ ਪ੍ਰਸ਼ਾਦਿ' ਦੀ ਭੇਟਾ 151 ਰੁਪਏ ਰੱਖੀ ਗਈ ਹੈ, ਜਿਸ ਵਿਚ ਇਕ ਸਿਰੋਪਾਓ ਤੇ ਇਕ ਪਲਾਸਟਿਕ ਦੀ ਥੈਲੀ 'ਪਿੰਨੀ ਪ੍ਰਸ਼ਾਦਿ' ਦੀ ਹੋਵੇਗੀ। ਉਨ੍ਹਾਂ ਦੱਸਿਆ ਕਿ ਇਸ ਥੈਲੀ 'ਚ ਕਰੀਬ 80 ਗ੍ਰਾਮ ਪ੍ਰਸ਼ਾਦਿ ਹੋਵੇਗਾ। ਵੱਖਰੇ ਤੌਰ 'ਤੇ ਇਕੱਲਾ 'ਪਿੰਨੀ ਪ੍ਰਸ਼ਾਦ' ਪ੍ਰਾਪਤ ਕਰਨ ਲਈ 20 ਰੁਪਏ ਪ੍ਰਤੀ ਥੈਲੀ ਭੇਟਾ ਹੋਵੇਗੀ। ਇਸ ਦੌਰਾਨ ਮੈਨੇਜਰ ਸ੍ਰੀ ਦਰਬਾਰ ਸਾਹਿਬ ਨੇ ਦੱਸਿਆ ਕਿ ਸ਼ਰਧਾਲੂਆਂ ਦੀ ਸਹੂਲਤ ਨੂੰ ਮੁੱਖ ਰੱਖਦੇ ਹੋਏ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ਼ਰਧਾਲੂਆਂ ਵੱਲੋਂ ਭੇਟ ਕੀਤੇ ਜਾਣ ਵਾਲੇ ਕੜਾਹ ਪ੍ਰਸ਼ਾਦ ਦੀ ਦੇਗ ਨੂੰ ਭੋਗ ਲਾਉਣ ਲਈ ਦਰਸ਼ਨੀ ਡਿਓਢੀ ਦੇ ਬਾਹਰ 'ਲਾਚੀ ਬੇਰ' ਨੇੜੇ ਸੇਵਾਦਾਰ ਲਾਏ ਗਏ ਹਨ। 

ਖਬਰ:- ਅਜੀਤ ਜਲੰਧਰ

ਪੋਸਟ ਕਰਤਾ: ਗੁਰਸ਼ਾਮ ਸਿੰਘ ਚੀਮਾਂ 

Post Comment

'ਹੁਣ ਕਰ ਲਓ ਪੰਜਾਬੀਓ ਤਿਆਰੀ, ਅਫਰੀਕਾ ਦੇ ਕਾਲਿਆਂ ਨੇ ਵੀ ਪਾ ਲਈ ਕਬੱਡੀ ਨਾਲ ਯਾਰੀ'

ਪੰਜਾਬੀ ਜਿੱਥੇ ਜਿੱਥੇ ਵੀ ਗਏ , ਆਪਣਾ ਵਿਰਸਾ ਆਪਣਾ ਸਭਿਆਚਾਰ ਨਾਲ ਲੈ ਕੇ ਗਏ। ਪੰਜਾਬੀਆਂ ਨੇ ਕਬੱਡੀ ਮਾਂ ਖੇਡ ਨੂੰ ਹਮੇਸ਼ਾਂ ਆਪਣੇ ਨਾਲ ਹੀ ਜਿਉਂਦਿਆਂ ਰੱਖੀਆ ਚਾਹੇ ਉਹ ਪੰਜਾਬ ਦੀ ਧਰਤੀ ਤੇ ਹੋਣ ਚਾਹੇ ਉਹ ਵਲੇਤਾਂ ਵਿੱਚ ਹੋਣ ਖੁੱਲਾ ਖਾਣਾ ਪੀਣਾ ਖੁੱਲ੍ਹੇ ਸੂਬਾ ਦੇ ਮਾਲਕ ਆਪਣੀਆਂ  ਖੇਡਾ ਆਪਣੇ ਕਮ ਕਰਨ ਦੇ ਹੁਨਰ ਤਜਰਬੇ ਨਾਲ ਸਭ ਦਾ ਦਿਲ ਮੋਹਿ ਗਏ। ਇਸੇ ਤਰਾਂ ਪੰਜਾਬੀ ਦੀ ਮਾਂ ਖੇਡ ਕਬੱਡੀ ਹੁਣ ਲੱਖਾਂ ਤੋਂ ਕੱਖਾਂ ਨਹੀ ਸਗੋਂ ਕਰੋੜਾ ਤਾਈ ਪਹੁਚ ਚੁੱਕੀ ਹੈ ਅਤੇ ਦੁਨਿਆ ਵਿੱਚ ਜਿੱਥੇ ਕਿਧਰੇ ਵੀ ਪੰਜਾਬੀ ਨੇ ਛਾਈ ਪਈ ਹੈ ਪੰਜਾਬੀ ਹੀ ਨਹੀ ਸਗੋ ਹੁਣ ਤਾਂ ਗੋਰੇ ਕਾਲੇ ਸਬ ਇਸ ਖੇਡ ਨੂੰ ਪਸੰਦ ਕਰਦੇ ਹਨ ਅਤੇ ਬੜੇ ਚਾ ਨਾਲ ਦੇਖਦੇ ਨੇ। ਬ੍ਰਾਜੀਲ - ਅਰਜਨਟੀਨਾ, ਸਪੇਨ ਆਦਿ ਹੋਰ ਮੁਲਕਾਂ ਦੀ ਫੁੱਟਬਾਲ ਵਰਗੀ ਖੇਡ ਵਰਗਾ ਜਨੂੰਨ ਪੰਜਾਬੀਆਂ ਵਿੱਚ ਕਬੱਡੀ ਨਾਲ ਹੈ । ਪਿਛਲੇ ਸਾਲ ਵਿਸ਼ਵ ਕਬੱਡੀ ਕੱਪ ਦੋਰਾਨ ਅਰਜਨਟੀਨਾ ਦੀ ਟੀਮ ਪੰਜਾਬ ਖੇਡਣ ਆਈ ਸੀ ਤਾਂ ਉਹ ਖਿਡਾਰੀ ਹੱਕੇ ਬੱਕੇ ਰਹਿ ਗਏ ਸਨ ਕਿ ਕਬੱਡੀ ਪ੍ਰਤੀ ਲੋਕਾਂ ਦਾ ਇਨ੍ਹਾਂ ਇਕੱਠ ਅਤੇ ਜਨੂੰਨ ਉਨ੍ਹਾਂ ਨੂੰ ਭੁਲੇਖਾ ਸੀ ਕਿ ਦੁਨਿਆ 'ਚ ਸਿਰਫ ਇਕੋ ਇੱਕ ਫੁੱਟਬਾਲ ਨੂੰ ਹੀ ਲੋਕਾਂ ਵੱਲੋ ਜਿਆਦਾ ਦੇਖਿਆ ਜਾਂਦਾ ਹੈ । ਪਰ ਕਬੱਡੀ ਨਾਲ ਲੋਕਾਂ ਦੇ ਭਰਵੇ ਇਕੱਠ ਨੂੰ ਦੇਖਦਿਆਂ, ਉਨ੍ਹਾਂ ਨੂੰ ਜਿੰਦਗੀ ਦਾ ਇੱਕ ਨਵਾ ਤਜੁਰਬਾ ਹਾਸਲ ਹੋਇਆ । ਜਿਸ ਤਰ੍ਹਾਂ ਬ੍ਰਾਜੀਲ ਦਿਆਂ ਫੁੱਟਬਾਲ ਪ੍ਰਾਪਤੀਆਂ ਨੇ ਪੂਰੀ ਦੁਨਿਆ ਨੂੰ ਫੁੱਟਬਾਲ ਖੇਡਣ ਲਗਾ ਦਿੱਤਾ ਹੈ । ਉਸੇ ਤਰ੍ਹਾਂ ਪੰਜਾਬੀਆਂ ਨੇ ਆਪਣੀ ਖੇਡ ਕਬੱਡੀ ਪ੍ਰਤੀ ਵੀ ਇੱਕ ਵਿਲੱਖਣ ਖਿਚ ਪੈਦਾ ਕਰ ਦਿੱਤੀ ਹੈ । ਜਨੂੰਨ ਅੰਤਾਂ ਦਾ ਹੈ ਪਰ ਉਹ ਵੱਖਰੀ ਗੱਲ ਹੈ ਅਜੇ ਇਸ ਖੇਡ ਦੇ ਅੰਤਰ ਰਾਸ਼ਟਰੀ ਪੱਧਰ ਦੇ ਨਿਯਮ ਸਿਧਾਂਤ ਨਹੀ ਬਣੇ ਜਿਸ ਕਾਰਨ ਅਨੁਸਾਸ਼ਨ ਦਿਆਂ ਧੱਜੀਆਂ ਉਡ ਰਹੀਆਂ ਹਨ । ਪੰਜਾਬੀਆਂ ਦੀ ਖੇਡ ਨੂੰ ਦੇਖਦਿਆਂ ਜਿੱਥੇ ਇਹ ਖੇਡ ਅਮਰੀਕਾ , ਕਨੇਡਾ, ਇੰਗਲੇਂਡ , ਅਰਜਨਟੀਨਾ ਆਦਿ ਹੋਰ ਮੁਲਕਾਂ 'ਚ ਚਰਚਿਤ ਹੋਈਆਂ । ਭਾਵੈ ਬਹੁਤੇ ਅਜੇ ਪੰਜਾਬੀ ਮੁਲ ਦੇ ਖਿਡਾਰੀ ਹੀ ਇਸ ਨੂੰ ਖੇਡਦੇ ਹਨ ਪਰ ਹੁਣ ਪਛਮੀ ਅਫਰੀਕਾ ਦੇ ਦੇਸ਼ ਸਿਆਰਲਿਉਨ 'ਚ ਵੀ ਕਬੱਡੀ ਨੂੰ ਅਫਰੀਕਨ ਮੂਲ ਦੇ ਕਾਲੇ ਲੋਕ ਕਬੱਡੀ ਨੂੰ ਖੇਡਣ ਲੱਗ ਪਏ ਹਨ , ਉਥੇ ਕਬੱਡੀ ਦੀ ਸੰਸਥਾ ਵੀ ਬਣ ਗਈ ਹੈ ।  ਇਸ ਦਾ ਵੱਡਾ ਸਿਹਰਾ ਪੰਜਾਬੀਆਂ ਨੂੰ ਜਾਂਦਾ ਹੈ । ਖਾਸ ਕਰਕੇ ਲੁਧਿਆਣਾ ਜ਼ਿਲ੍ਹੇ ਦੇ ਨੋਜਵਾਨ ਰਵਿੰਦਰ ਸਿੰਘ ਜੱਸਲ ਜਿਸ ਨੇ ਅਫਰੀਕਨ ਮੂਲ ਦੇ ਕਾਲਿਆਂ ਨੂੰ ਕਬੱਡੀ ਖੇਡਣ ਲਾਇਆ, ਉਨ੍ਹਾਂ ਨੂੰ ਕੋਚਿੰਗ ਦੇ ਕੇ ਕਬੱਡੀ ਕਾਬਲੀਅਤ ਖਿਡਾਰੀ ਬਣਾਇਆ । ਅਫਰੀਕਨ ਖਿਡਾਰੀਆਂ ਦੀ ਕਬੱਡੀ ਦੀ ਕਾਰਗੁਜਾਰੀ ਕਿਹੋ ਜਿਹੀ ਰਹਿੰਦੀ ਹੈ , ਇਹ ਤਾਂ ਅਜੇ ਆਉਣ ਵਾਲਾ ਸਮਾ ਹੀ ਦੱਸੇਗਾ ਕਿਉਕਿ ਪਹਿਲਾ ਪਹਿਲ ਇਹ ਅਫਰੀਕਨ ਖਿਡਾਰੀ ਕਬੱਡੀ ਤਕਨੀਕ ਪੱਖੋ ਮਾਰ ਖਾਣਗੇ । ਪਰ ਇਸ ਵੈਲੇ ਅਫਰੀਕਨ ਖਿਡਾਰੀਆਂ ਦਾ ਮੁੱਖ ਮਕਸਦ ਦਸੰਬਰ ਮਹੀਨੇ ਪੰਜਾਬ ਦੀ ਧਰਤੀ ਤੇ ਹੋਣ ਵਾਲਾ ਵਿਸ਼ਵ ਕਬੱਡੀ ਕੱਪ ਖੇਡਣ ਦਾ ਹੈ । ਇਸ ਪ੍ਰੱਤੀ ਉਕਤ ਅਫਰੀਕਨ ਕਬੱਡੀ ਪ੍ਰਮੋਟਰ ਰਵਿੰਦਰ ਸਿੰਘ ਜੱਸਲ ਨੇ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ੍ਰ ਸੁਖਬੀਰ ਸਿੰਘ ਬਾਦਲ ਅਤੇ ਸਕੰਦਰ ਸਿੰਘ ਮਲੂਕਾ ਪ੍ਰਧਾਨ ਕਬੱਡੀ ਐਸੋਸੀਏਸ਼ਨ ਨੂੰ ਬੇਨਤੀ ਪੱਤਰ ਵੀ ਭੇਜਿਆ ਹੈ ਕਿ ਅਫਰੀਕਨ ਮੂਲ ਦੀ ਸਿਆਰਲਿਉਨ ਕਬੱਡੀ ਟੀਮ ਨੂੰ ਵਿਸ਼ਵ ਕਬੱਡੀ ਕੱਪ 'ਚ ਹਿੱਸਾ ਲੇਨ ਦਿੱਤਾ ਜਾਵੇ ਤਾਂ ਜੋ ਸਰਕਲ ਸਟਾਇਲ ਕਬੱਡੀ ਦੁਨਿਆ 'ਚ ਹੋਰ ਵਧੇਰੇ ਮਕਬੂਲ ਹੋ ਸਕੇ ਅਤੇ ਦਰਸ਼ਕਾਂ ਦੀ ਵੱਡੀ ਖਿਚ ਕਬੱਡੀ ਪ੍ਰਤੀ ਪੈਦਾ ਹੋ ਸਕੇ । ਵਿਸ਼ਵ ਕਬੱਡੀ ਕੱਪ 'ਚ ਇਨ੍ਹਾਂ ਅਫਰੀਕਨ ਖਿਡਾਰੀਆਂ ਨੂੰ ਮੋਕਾ ਮਿਲਦਾ ਹੈ ਜਾਂ ਨਹੀ ਇਹ ਤਾਂ ਸਮਾ ਹੀ ਦੱਸੂ... 

Post Comment

ਤੀਜੇ ਵਿਸ਼ਵ ਕਬੱਡੀ ਕੱਪ ਦੇ ਪੁਰਸ਼ ਵਰਗ ਵਿੱਚ ਪੁੱਜਣਗੀਆਂ 16 ਟੀਮਾਂ

ਪੰਜਾਬ ਸਰਕਾਰ ਵੱਲੋਂ 1 ਤੋਂ 15 ਦਸਬੰਰ ਤੱਕ ਕਰਵਾਏ ਜਾਣ ਵਾਲੇ ਤੀਜੇ ਕਬੱਡੀ ਵਿਸ਼ਵ ਕੱਪ ਦੇ ਪੁਰਸ਼ ਵਰਗ ਵਿੱਚ 16 ਮੁਲਕਾਂ ਦੀਆਂ ਟੀਮਾਂ ਹਿੱਸਾ ਲੈਣਗੀਆਂ ਜਦੋਂ ਕਿ ਮਹਿਲਾ ਵਰਗ ਵਿੱਚ ਛੇ ਟੀਮਾਂ ਜ਼ੋਰ ਅਜ਼ਮਾਉਣਗੀਆਂ।

ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਇਥੇ ਵਿਸ਼ਵ ਕੱਪ ਦੀ ਤਿਆਰੀ ਸਬੰਧੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਇਹ ਜਾਣਕਾਰੀ ਦਿੱਤੀ। ਮੀਟਿੰਗ ਵਿੱਚ ਮਾਲ ਅਤੇ ਸੂਚਨਾ ਤੇ ਲੋਕ ਸੰਪਰਕ ਮੰਤਰੀ ਬਿਕਰਮ ਸਿੰਘ ਮਜੀਠੀਆ, ਸਿੱਖਿਆ ਮੰਤਰੀ ਤੇ ਪੰਜਾਬੀ ਕਬੱਡੀ ਐਸੋਸੀਏਸ਼ਨ ਦੇ ਪ੍ਰਧਾਨ ਸਿਕੰਦਰ ਸਿੰਘ ਮਲੂਕਾ, ਖੇਡ ਵਿਭਾਗ ਦੇ ਸਕੱਤਰ ਪੀ.ਐਸ. ਔਜਲਾ ਤੇ ਡਾਇਰੈਕਟਰ ਸ਼ਿਵਦੁਲਾਰ ਸਿੰਘ ਢਿੱਲੋਂ ਹਾਜ਼ਰ ਸਨ। ਸ੍ਰੀ ਬਾਦਲ ਨੇ ਦੱਸਿਆ ਕਿ ਇਸ ਵਾਰ ਪੁਰਸ਼ ਵਰਗ ਵਿੱਚ ਕੀਨੀਆ ਦੀ ਟੀਮ ਪਹਿਲੀ ਵਾਰ ਅਫਰੀਕਾ ਮਹਾਂਦੀਪ ਦੀ ਨੁਮਾਇੰਦਗੀ ਕਰੇਗੀ। ਮਹਿਲਾ ਵਰਗ ਵਿੱਚ ਵਿੱਚ ਵੀ ਇਰਾਨ ਤੇ ਮਲੇਸ਼ੀਆ ਦੀਆਂ ਟੀਮਾਂ ਪਹਿਲੀ ਵਾਰ ਸ਼ਾਮਲ ਹੋਣਗੀਆਂ।

ਪੁਰਸ਼ ਵਰਗ ਦੀ ਜੇਤੂ ਟੀਮ ਨੂੰ 2 ਕਰੋੜ ਰੁਪਏ, ਦੂਜੇ ਸਥਾਨ ਵਾਲੀ ਟੀਮ ਨੂੰ 1 ਕਰੋੜ ਰੁਪਏ ਅਤੇ ਤੀਜੇ ਸਥਾਨ ਵਾਲੀ ਟੀਮ ਨੂੰ 51 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਹਿੱਸਾ ਲੈਣ ਵਾਲੀ ਹਰੇਕ ਟੀਮ ਨੂੰ 10 ਲੱਖ ਰੁਪਏ ਦਿੱਤੇ ਜਾਣਗੇ। ਮਹਿਲਾ ਵਰਗ ਦੀ ਜੇਤੂ ਟੀਮ ਨੂੰ 25 ਲੱਖ ਰੁਪਏ, ਦੂਜੇ ਸਥਾਨ ਵਾਲੀ ਟੀਮ ਨੂੰ 15 ਲੱਖ ਰੁਪਏ ਅਤੇ ਤੀਜੇ ਸਥਾਨ ਵਾਲੀ ਟੀਮ ਨੂੰ 10 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ।

ਕਬੱਡੀ ਵਿਸ਼ਵ ਕੱਪ ਨੂੰ ਪੂਰੀ ਤਰ੍ਹਾਂ ਡੋਪ ਮੁਕਤ ਕਰਵਾਉਣ ਲਈ 40 ਲੱਖ ਦੀ ਰਕਮ ਡੋਪ ਟੈਸਟਾਂ ਲਈ ਰੱਖੀ ਗਈ ਹੈ। ਹਰ ਟੀਮ ਨੂੰ ਹਦਾਇਤ ਹੈ ਕਿ ਟੀਮ ਦੀ ਚੋਣ ਵੇਲੇ ਡੋਪ ਟੈਸਟ ਲਾਜ਼ਮੀ ਕੀਤੇ ਜਾਣ ਅਤੇ ਵਿਸ਼ਵ ਕੱਪ ਦੌਰਾਨ ਆਲਮੀ ਡੋਪਿੰਗ ਰੋਕੂ ਏਜੰਸੀ (ਵਾਡਾ) ਵੱਲੋਂ ਮਾਨਤਾ ਪ੍ਰਾਪਤ ਲੈਬਾਰਟਰੀ ਰਾਹੀਂ ਡੋਪ ਟੈਸਟ ਕੀਤੇ ਜਾਣਗੇ ਅਤੇ ਦੋਸ਼ੀ ਖਿਡਾਰੀਆਂ ਨੂੰ ਤੁਰੰਤ ਬਰਖਾਸਤ ਕੀਤਾ ਜਾਵੇਗਾ। ਇਸ ਵਾਰ 16 ਮੁਲਕਾਂ ਦੀਆਂ ਟੀਮਾਂ ਵਿਸ਼ਵ ਕੱਪ ਵਿੱਚ ਹਿੱਸਾ ਲੈਣਗੀਆਂ। ਪੁਰਸ਼ ਵਰਗ ਵਿੱਚ ਭਾਰਤ, ਪਾਕਿਸਤਾਨ, ਅਫਗਾਨਸਿਤਾਨ, ਇਰਾਨ, ਸ੍ਰੀਲੰਕਾ, ਅਮਰੀਕਾ, ਕੈਨੇਡਾ, ਡੈਨਮਾਰਕ, ਨਾਰਵੇ, ਸਕਾਟਲੈਂਡ, ਕੀਨੀਆ ਤੇ ਅਰਜਨਟੀਨਾ ਦੀਆਂ ਟੀਮਾਂ ਦਾ ਨਾਂ ਤੈਅ ਹੋ ਗਿਆ ਜਦੋਂ ਕਿ ਮਹਿਲਾ ਵਰਗ ਵਿੱਚ ਭਾਰਤ, ਇਰਾਨ, ਮਲੇਸ਼ੀਆ, ਅਮਰੀਕਾ, ਬਰਤਾਨੀਆ ਤੇ ਤੁਰਕਮੇਸਿਤਾਨ ਦੀਆਂ ਟੀਮਾਂ ਹਿੱਸਾ ਲੈਣਗੀਆਂ। ਤੀਜਾ ਕਬੱਡੀ ਵਿਸ਼ਵ ਕੱਪ 1 ਤੋਂ 15 ਦਸੰਬਰ ਤੱਕ ਕਰਵਾਇਆ ਜਾਵੇਗਾ ਜਿਸ ਦੇ ਸਥਾਨਾਂ ਦਾ ਫੈਸਲਾ ਹਾਲੇ ਕਰਨਾ ਹੈ। ਬਠਿੰਡਾ ਵਿਖੇ ਉਦਘਾਟਨੀ ਅਤੇ ਲੁਧਿਆਣਾ ਵਿਖੇ ਸਮਾਪਤੀ ਸਮਾਰੋਹ ਹੋਵੇਗਾ। ਇਸ ਵਾਰ ਵੀ ਸ਼ਹਿਰਾਂ ਦੇ ਨਾਲ-ਨਾਲ ਪਿੰਡ ਵਿੱਚ ਵੀ 15 ਥਾਵਾਂ ’ਤੇ ਕਬੱਡੀ ਵਿਸ਼ਵ ਕੱਪ ਦੇ ਮੁਕਾਬਲੇ ਕਰਵਾਏ ਜਾਣਗੇ।

Post Comment

ਅਠਾਸੀ ਵਾਰ ਖ਼ੂਨਦਾਨ ਕਰਨ ਵਾਲਾ ਸਮਾਜ ਸੇਵੀ

ਰਾਜ ਕੁਮਾਰ ਜੋਸ਼ੀ 

ਕਹਿਣ ਤੇ ਕਰਨ ਵਿੱਚ ਲੱਖਾਂ ਕੋਹਾਂ ਦਾ ਫਰਕ ਹੈ। ਆਖ ਤਾਂ ਹਰ ਇਕ ਦਿੰਦਾ ਹੈ ਕਿ ਮੈਂ ਸਮਾਜ ਸੇਵੀ ਹਾਂ ਪਰ ਸਮਾਜ ਸੇਵੀ ਤਾਂ ਟਾਂਵੇਂ ਹੀ ਹੁੰਦੇ ਹਨ। ਕਿਸੇ ਸੰਸਥਾ ਦਾ ਪ੍ਰਧਾਨ ਬਣਕੇ ਕੋਈ ਸਮਾਜ ਸੇਵੀ ਨਹੀਂ ਬਣ ਜਾਂਦਾ। ਖ਼ੁਦ ਸਮਾਜ ਸੇਵਾ ਕਰਕੇ ਹੀ ਸਮਾਜ ਸੇਵੀ ਬਣਦਾ ਹੈ। ਅੱਜ-ਕੱਲ੍ਹ ਇਹ ਪ੍ਰਧਾਨ, ਲੀਡਰ ਪੈਸੇ ਦੇ ਜ਼ੋਰ ’ਤੇ ਖੁੰਭਾਂ ਵਾਂਗ ਉੱਗ ਰਹੇ ਹਨ, ਪਰ ਸਮਾਜ ਸੇਵਾ ਵਿੱਚ ਉਨ੍ਹਾਂ ਦਾ ਕੋਈ ਯੋਗਦਾਨ ਨਹੀਂ ਹੁੰਦਾ। ਜਿਸ ਕੰਮ ਦੀ ਲੋਕਾਂ ਨੂੰ ਸੇਧ ਦੇਣੀ ਹੋਵੇ, ਉਸ ਕੰਮ ਨੂੰ ਸੰਸਥਾ ਦਾ ਪ੍ਰਧਾਨ ਖੁਦ ਕਰਦਾ ਹੋਵੇ ਤਾਂ ਹੀ ਸਹੀ ਸੇਧ ਸਮਾਜ ਨੂੰ ਦੇ ਸਕਦਾ ਹੈ ਪਰ ਅੱਜ-ਕੱਲ੍ਹ ਪੈਸੇ ਦੇ ਜ਼ੋਰ ’ਤੇ ਹਰ ਕੰਮ ਵਿੱਚ ਝੂਠੇ ਨੰਬਰ ਬਣਾਉਣ ਵਾਲੇ ਮੋਢੀ ਬਣ ਖੜ੍ਹਦੇ ਹਨ। ਇਸ ਕਰਕੇ ਹੀ ਸੰਸਥਾਵਾਂ ਪਿੱਛੇ ਰਹਿ ਜਾਂਦੀਆਂ ਹਨ ਅਤੇ ਫੇਲ ਹਨ। ਸਮਾਜ ਸੇਵਾ ਵੀ ਤਿੰਨ ਪ੍ਰਕਾਰ ਦੀ ਹੈ। ਇੱਕ ਉਹ ਜਿਹੜੇ ਸਮਾਜ ਸੇਵੀ ਅਖਵਾਉਂਦੇ ਹਨ, ਚੰਗੇ ਭਾਸ਼ਨ ਝਾੜਦੇ ਹਨ। ਲੋਕਾਂ ਨੂੰ ਮੂਰਖ ਬਣਾਉਂਦੇ ਹਨ ਤੇ ਖੂਬ ਲੁੱਟ ਕਰਕੇ ਆਪਣੀਆਂ ਤਜ਼ੋਰੀਆਂ ਭਰਦੇ ਹਨ। ਦੂਜਾ ਉਹ ਸਮਾਜ ਸੇਵੀ ਜੋ ਕਿਸੇ ਦਾ ਖਾਂਦੇ ਵੀ ਨਹੀਂ ਤੇ ਨਾ ਹੀ ਕਿਸੇ ਨੂੰ ਖਵਾਉਂਦੇ ਹਨ ਪਰ ਸਮਾਜ ਦੇ ਕੰਮ ਆਉਂਦੇ ਹਨ। ਉਹ ਚੰਗਾ ਨਾਂ ਕਮਾ ਜਾਂਦੇ ਹਨ। ਤੀਜੇ ਨੰਬਰ ’ਤੇ ਉਹ ਸਮਾਜ ਸੇਵੀ ਜੋ ਲੋਕਾਂ ਦੇ ਭਲੇ ਲਈ ਹੀ ਹਮੇਸ਼ਾ ਕੰਮ ਕਰਦੇ ਹਨ। ਕਿਸੇ ਦਾ ਖਾਂਦੇ ਨਹੀਂ ਸਗੋਂ ਕੋਲੋਂ ਖਰਚ ਕਰਕੇ ਸਮਾਜ ਦੀ ਤਨ, ਮਨ ਅਤੇ ਧਨ ਨਾਲ ਸੇਵਾ ਕਰਦੇ ਹਨ। ਉਨ੍ਹਾਂ ਦਾ ਨਾਂ ਸਮਾਜ ਵਿੱਚ ਜਿਊਂਦਿਆਂ ਦਾ ਅਤੇ ਮਰਨ ਤੋਂ ਬਾਅਦ ਵੀ ਚਮਕਦਾ ਰਹਿੰਦਾ ਹੈ। ਹੁਣ ਤੁਸੀਂ ਪੜ੍ਹ ਕੇ ਹੈਰਾਨ ਹੋਵੋਗੇ, ਮੈਂ ਜਿਸ ਸ਼ਖ਼ਸ ਦੀ ਗੱਲ ਕਰ ਰਿਹਾ ਹਾਂ, ਉਸ ਨੇ ਅਨੇਕਾਂ ਕੀਮਤੀ ਜਾਨਾਂ ਆਪਣਾ ਖੂਨ ਦੇ ਕੇ ਬਚਾਈਆਂ ਹਨ। ਆਪਣੀ ਜ਼ਿੰਦਗੀ ਵਿੱਚ 88 ਵਾਰ ਖੂਨਦਾਨ ਕਰ ਚੁੱਕੇ ਹਨ ਅਤੇ ਖੂਨਦਾਨੀਆਂ ਦੀ ਕਤਾਰਾਂ ਵਿੱਚ ਸਿਖਰਲੇ ਟੰਬਿਆਂ ’ਤੇ ਪਹੁੰਚ ਚੁੱਕੇ ਹਨ, ਜਿਨ੍ਹਾਂ ਨੇ ਤਿੰਨ ਵਾਰ ਸਾਲ ਵਿੱਚ ਖੂਨਦਾਨ ਕਰਨ ਦਾ ਪ੍ਰਣ ਕੀਤਾ ਹੈ। ਉਹ ਹਨ ਰਾਜ ਕੁਮਾਰ ਜੋਸ਼ੀ।

ਰਾਜ ਕੁਮਾਰ ਜੋਸ਼ੀ ਨੇ ਆਪਣੀ 88ਵੀਂ ਯੂਨਿਟ ਲਾਈਫ ਸੇਵਿੰਗ ਮਿਸ਼ਨ ਸ਼ਿਮਲਾ ਵਿਖੇ ਕੀਤੀ। ਸ੍ਰੀ ਜੋਸ਼ੀ ਨੂੰ ਚੰਦਰਾ ਆਈ. ਏ. ਐਸ. ਸਕੱਤਰ ਹੈਲਥ ਸਰਵਿਸਿਜ਼ ਪੰਜਾਬ ਵੱਲੋਂ ਸਟੇਟ ਐਵਾਰਡ ਦਿੱਤਾ ਗਿਆ। ਹੋਰ ਅਨੇਕਾਂ ਕਲੱਬਾਂ, ਸੰਸਥਾਵਾਂ ਵੱਲੋਂ ਵੀ ਜੋਸ਼ੀ ਸਨਮਾਨਿਤ ਹੋ ਚੁੱਕੇ ਹਨ।

ਰਾਜ ਕੁਮਾਰ ਜੋਸ਼ੀ ਦੇ ਦੋਸਤ ਦੀ ਪਤਨੀ ਲੁਧਿਆਣਾ ਦੇ ਡੀ.ਐਮ.ਸੀ. ਹਸਪਤਾਲ ਇਲਾਜ ਲਈ ਦਾਖ਼ਲ ਸੀ। ਪਰ ਕਾਫੀ ਦੌੜ-ਭੱਜ ਤੋਂ ਬਾਅਦ ਜਦ ਕਿਤੋਂ ਖੂਨ ਨਾ ਮਿਲਿਆ ਤਾਂ 1989 ਵਿੱਚ ਪਹਿਲੀ ਵਾਰ ਆਪਣਾ ਖੂਨ ਦੇ ਕੇ ਉਸ ਦੀ ਜਾਨ ਬਚਾਈ। ਉਸ ਤੋਂ ਬਾਅਦ ਚੱਲ ਸੋ ਚੱਲ। ਉਹ ਖੂਨਦਾਨ ਕਰਨ ਲਈ ਹਮੇਸ਼ਾ ਦੂਰ-ਦੂਰ ਤੱਕ ਜਾਂਦੇ ਹੀ ਰਹਿੰਦੇ ਹਨ। ਕਿਸੇ ਨੂੰ ਲੋੜ ਵੇਲੇ ਖੂਨਦਾਨ ਕਰਕੇ ਬਚਾਉਣਾ ਹੀ ਉਹ ਆਪਣਾ ਅਸਲੀ ਧਰਮ ਸਮਝਦੇ ਹਨ।

ਰੋਗੀਆਂ, ਬੇਸਹਾਰਿਆਂ ਅਤੇ ਗਰੀਬਾਂ ਦੇ ਦੁੱਖਾਂ ਨੂੰ ਆਪਣਾ ਸਮਝਣ ਵਾਲਾ ਜੋਸ਼ੀ ਸਮਾਜ ਸੇਵਾ ਲਈ ਧਨ ਅਤੇ ਸਮੇਂ ਦੀ ਵੀ ਪ੍ਰਵਾਹ ਨਹੀਂ ਕਰਦਾ। ਜੋਸ਼ੀ ਜੀ ਗਰੀਬ, ਬੇਸਹਾਰਾ ਲੜਕੀਆਂ ਦੇ ਵਿਆਹਾਂ ਸਮੇਂ ਵੀ ਵੱਧ ਚੜ੍ਹ ਕੇ ਆਪਣਾ ਯੋਗਦਾਨ ਪਾਉਂਦੇ ਹਨ। ਉਨ੍ਹਾਂ ਕੋਲ ਅਨੇਕਾਂ ਸੰਸਥਾਵਾਂ ਦੀਆਂ ਆਹੁਦੇਦਾਰੀਆਂ ਹਨ ਜਿਵੇਂ ਜ਼ਿਲ੍ਹਾ ਰੈੱਡ ਕਰਾਸ ਸੁਸਾਇਟੀ ਬਠਿੰਡਾ ਦੇ ਲਾਈਫ ਮੈਂਬਰ, ਪੰਜਾਬ ਬ੍ਰਹਮਣ ਸਭਾ ਦੇ ਪ੍ਰੈਸ ਸਕੱਤਰ, ਬਲੱਡ ਡੋਨਰਜ਼ ਕੌਸਲ ਦੇ ਜਨਰਲ ਸਕੱਤਰ, ਸਰਵਤੀ ਡਰਾਮਾਟਿਕ ਕਲੱਬ ਦੇ ਮੈਂਬਰ, ਸ਼ੀਤਲਾ ਭਜਨ ਮੰਡਲੀ ਅਤੇ ਬਿਰਧ ਆਸ਼ਿਆਨਾ ਦੇ ਚੇਅਰਮੈਨ, ਸਿਟੀ ਵੈਲਫੇਅਰ ਕਲੱਬ ਦੇ ਫਾਊਂਡਰ ਮੈਂਬਰ ਅਤੇ ਸਾਬਕਾ ਪ੍ਰਧਾਨ, ਅਤੇ ਆਪਣੇ ਮਹਿਕਮੇ ’ਚ ਜਥੇਬੰਦੀ ਦੇ ਸਰਗਰਮ ਮੈਂਬਰ ਆਦਿ।

ਰਾਜ ਕੁਮਾਰ ਜੋਸ਼ੀ 1990 ਵਿੱਚ ਅਵਰ ਸਿਟੀ ਦੀ ਜਨਰਲ ਇੰਟਰਮੇਸ਼ਨ ਲਈ ਡਾਇਰੈਕਟਰੀ ਕੱਢਣ ਸਮੇਂ ਮੈਂਬਰ ਸਨ। ਜਦੋਂ 1997 ਵਿੱਚ ਟੈਲੀਫੋਨ ਡਾਇਰੈਕਟਰੀ ਸਰਸਵਤੀ ਡਰਾਮੈਟਿਕ ਕਲੱਬ ਦੀ ਕੱਢੀ ਤਾਂ ਉਹ ਚੀਫ ਐਡੀਟਰ ਸਨ। ਸੰਨ 2000 ਵਿੱਚ ਵੀ ਅਵਰ ਸਿਟੀ ਕਲਾਸੀ ਫਾਈਡ ਟੈਲੀਫੋਨ ਡਾਇਰੈਕਟਰੀ ਕੱਢਣ ਸਮੇਂ ਐਡੀਟਰ ਇਨ ਚੀਫ ਸਨ ਅਤੇ ਜਦੋਂ 2005 ਵਿੱਚ ਟੈਲੀਫੋਨ ਡਾਇਰੈਕਟਰੀ ਸਿਟੀ ਵੈਲਫੇਅਰ ਕਲੱਬ ਰਾਮਪੁਰਾ ਫੂਲ ਵੱਲੋਂ ਕੱਢੀ ਤਾਂ ਉਹ ਐਡੀਟਰ-ਇਨ-ਚੀਫ ਅਤੇ ਪ੍ਰਧਾਨ ਸਨ।

ਰਾਜ ਕੁਮਾਰ ਜੋਸ਼ੀ ਹਰ ਸਮਾਜਿਕ ਬੁਰਾਈਆਂ ਵਿਰੁੱਧ ਕੀਤੀਆਂ ਜਾਂਦੀਆਂ ਰੈਲੀਆਂ ਆਦਿ ਵਿੱਚ ਵੱਧ ਚੜ੍ਹ ਕੇ ਆਪਣਾ ਯੋਗਦਾਨ ਪਾਉਂਦੇ ਹਨ। ਮਨੁੱਖੀ ਭਲੇ ਲਈ ਉਹ ਹਰ ਪਲ ਤਤਪਰ ਰਹਿੰਦੇ ਹਨ। ਸ੍ਰੀ ਜੋਸ਼ੀ ਨੇ 2004 ਵਿੱਚ ਆਪਣੀ ਪੋਤੀ ਆਸ਼ਵਿਤ ਦੇ ਜਨਮ ਦਿਨ ’ਤੇ ਸਰਕਾਰੀ ਹਸਪਤਾਲ ਵਿਖੇ ਲੋਹੜੀ ਵੰਡ ਕੇ ਨਵੀਂ ਰੀਤ ਚਲਾ ਕੇ ਖੁਸ਼ੀ ਜ਼ਾਹਿਰ ਕੀਤੀ ਸੀ ਅਤੇ ਹੁਣ ਸ੍ਰੀ ਜੋਸ਼ੀ ਆਪਣੀ ਪੋਤੀ ਤੇ ਬੇਟੀ ਆਰਤੀ ਦੇ ਜਨਮ ਦਿਨ ’ਤੇ ਖੂਨਦਾਨ ਕੈਂਪ ਲਾ ਕੇ ਆਪਣੀ ਖੁਸ਼ੀ ਜ਼ਾਹਿਰ ਕਰਦੇ ਹਨ।

ਰਾਜ ਕੁਮਾਰ ਜੋਸ਼ੀ ਦੀਆਂ ਸੇਵਾਵਾਂ ਵੇਖ ਕੇ ਹੈਰਾਨ ਹੋਈਦਾ ਹੈ ਕਿ ਸਮਾਜ ਸੇਵਾ ਵਿੱਚ ਵੱਡਮੁੱਲਾ ਯੋਗਦਾਨ ਪਾਉਣ ਵਾਲੇ ਜੋਸ਼ੀ ਨੂੰ ਸਰਕਾਰ ਨੇ ਅਜੇ ਅੱਖੋਂ-ਪਰੋਖੇ ਰੱਖਿਆ ਹੋਇਆ ਹੈ। ਅਸੀਂ ਦੁਆ ਕਰਦੇ ਹਾਂ ਕਿ ਸ੍ਰੀ ਰਾਜ ਕੁਮਾਰ ਜੋਸ਼ੀ ਦਾ 100 ਵਾਰ ਖੂਨਦਾਨ ਕਰਨ ਦਾ ਸੁਪਨਾ ਸਾਕਾਰ ਹੋਵੇ।

*ਦਰਸ਼ਨ ਸਿੰਘ ਪ੍ਰੀਤੀਮਾਨ 

ਮੋਬਾਇਲ: 97792-97682

Post Comment

ਫੇਸਬੁੱਕ ਦੀ ਨਵੀ ਪ੍ਰੋਫਾਇਲ ਟਾਇਮਲਾਈਨ ਤੋਂ ਹੋ ਪਰੇਸ਼ਾਨ ਹੁਣੇ ਹੀ ਬਦਲੋ ਕਲਾਸਿਕ ਵਿਓ ਵਿੱਚ...

ਪੰਜਾਬੀਓ ਜੇਕਰ ਤੁਸੀਂ ਆਪਣੀ ਫੇਸਬੁੱਕ ਪ੍ਰੋਫਾਇਲ ਜਾਂ ਫੇੰਨ ਪੇਜ਼ ਦੇ ਨਵੇ ਟੇਮਲਾਈਨ ਡਿਜਾਇਨ ਤੋਂ ਪਰੇਸ਼ਾਨ ਹੋ ਤਾਂ ਫਿਰ ਦੇਰ ਕਾਹਦੀ ਹੁਣੇ ਹੀ ਬਦਲੋ ਕਲਾਸਿਕ ਵਿਓ ਵਿੱਚ ਤੇ ਕਰੋ ਆਪਣੀ ਨਵੀ ਟੇਮਲਾਈਨ ਨੂੰ ਅਲਵਿਦਾ ... ਇਸ ਲਈ ਤੁਸੀਂ ਪਹਿਲਾਂ ਤਾਂ ਆਪਣੇ ਕੰਪਿਊਟਰ ਵਿੱਚ ਗੂਗਲ ਕ੍ਰੋਮ ਬ੍ਰੋਸਰ ਇੰਸਟਾਲ ਕਰ ਲਵੋ,...

ਗੂਗਲ ਕ੍ਰੋਮ ਬ੍ਰੋਸਰ ਡਾਉਨਲੋਡ ਇੰਸਟਾਲੇਸ਼ਨ ਲਿੰਕ 

https://www.google.com/intl/en/chrome/browser/

ਉਸ ਤੋਂ ਬਾਅਦ ਹੇਠਾਂ ਦਿੱਤੇ ਲਿੰਕ ਉੱਤੇ ਕਲਿਕ ਕਰੋ ।  

https://chrome.google.com/webstore/detail/dnedfaenfnkikficknkklbdedlecmpgc

ਕਲਿਕ ਕਰਨ ਤੋਂ ਬਾਅਦ ਇਕ ਪੇਜ਼ ਓਪਨ ਹੋਵੇਗਾ ਤੇ ਉੱਪਰ ਸੱਜੇ ਹਥ ਵੱਲ ਲਿਖਿਆ ਹੋਵੇਗਾ !
(ADD TO CHORME)

ਓਥੇ ਕਲਿਕ ਕਰੋ !

ਫਿਰ ਓਥੇ yes ਜਾਂ no ਲਿਖਿਆ ਹੋਵੇਗਾ !!

yes ਉੱਤੇ ਕਲਿਕ ਕਰੋ !!

ਇਸ ਬਾਰੇ ਹੋਰ ਜਾਨਕਾਰੀ ਲਈ ਤੁਸੀਂ ਹੇਠਾਂ ਦਿੱਤੀ ਵੈਬਸਾਈਟ ਤੇ ਜਾਓ ਅਤੇ ਓਥੇ ਦਿੱਤੇ ਲਿੰਕ ਰਾਹੀ ਵੀ ਆਪਣੀ ਪ੍ਰੋਫਾਇਲ ਨੂੰ ਕਲਾਸਿਕ ਵਿਓ ਵਿੱਚ ਬਦਲੋ। ਘਬਰਾਉਣ ਦੀ ਲੋੜ ਨਹੀ ਤੁਹਾਡੇ ਫੇਸਬੁੱਕ ਡੇਟਾ ਨੂੰ ਕੋਈ ਨੁਕਸਾਨ ਨਹੀ ਹੋਵੇਗਾ । 

http://www.timelineremove.com/

ਕਲਾਸਿਕ ਵਿਓ ਵਿੱਚ ਫੇਸਬੁੱਕ ਪ੍ਰੋਫਾਇਲ ਦਾ ਇੱਕ ਫਾਇਦਾ ਤਾਂ ਹੈ ਕਿ ਇਹ ਡਾਉਨ ਇੰਟਰਨੇਟ ਕੁਨੇਕਸ਼ਨ ਵਿੱਚ ਵੀ ਵਧੀਆ ਚੱਲਦੀ ਹੈ ਅਤੇ ਸਮਝਣ ਵਿੱਚ ਵੀ ਅਸਾਂਨ ਹੈ.... ਕੋਈ ਜਿਆਦਾ ਖਿਲਾਰਾ ਨਹੀ .... ਅਨਜਾਨ ਵੀ ਆਰਾਮ ਨਾਲ ਵਰਤ ਸਕਦਾ... ਲੋਕੀਂ ਵੀ ਕਾਫੀ ਪਰੇਸ਼ਾਨ ਸਨ ਇਸ ਨਵੀ ਫੇਸਬੁੱਕ ਟੇਮਲਾਈਨ ਤੋਂ ਫੇਸਬੁੱਕ ਵਾਲਿਆਂ ਨੂੰ ਕਾਫੀ ਕੰਪਲੇੰਟ ਜਾਣ ਤੋਂ ਬਾਅਦ ਹੁਣ ਇਹਨਾ ਨੂੰ ਅਕਲ ਆ ਗਈ...। 

ਨੋਟ:- ਪੰਜਾਬੀਓ ਜਿਸ ਕੰਪਿਊਟਰ ਵਿੱਚ ਤੁਸੀਂ ਇਹ ਫੇਸਬੁੱਕ ਟਾਇਮਲਾਈਨ ਐਪਸ ਇੰਸਟਾਲ ਕਿੱਤਾ ਹੋਵੇਗਾ ਉਸ ਕੰਪਿਊਟਰ ਵਿੱਚ ਹੀ ਤੁਸੀਂ ਕਲਾਸਿਕ ਫੇਸਬੁੱਕ ਵਰਤ ਸਕਦੇ ਹੋ ਬਾਕੀ ਹੋਰ ਜਗਾ ਤੁਹਾਨੂੰ ਆਪਣਾ ਫੇਸਬੁੱਕ ਅਕਾਉੰਟ ਓਪਨ ਕਰਨ ਉੱਪਰ ਨਵੀ ਫੇਸਬੁੱਕ ਲੁੱਕ ਹੀ ਦਿਖਾਈ ਦੇਵੇ ਗੀ... ਇਸ ਫੇਸਬੁੱਕ ਟਾਇਮਲਾਈਨ ਰਿਮੂਵਰ ਐਪਸ ਨੂੰ ਤੁਸੀਂ ਜਿਸ ਕੰਪਿਊਟਰ ਉਪਰ ਇੰਸਟਾਲ ਕਰੋ ਗੇ ਉਸ ਕੰਪਿਊਟਰ ਉਪਰ ਅਗਰ ਕੋਈ ਵੀ ਵਿਅਕਤੀ ਆਪਣਾ ਫੇਸਬੁੱਕ ਅਕਾਉੰਟ ਖੋਲੇ ਗਾ ਉਸ ਨੂੰ ਆਪਣੀ ਫੇਸਬੁੱਕ ਲੁੱਕ ਅਤੇ ਹੋਰ ਸਾਰੇ ਫੇਸਬੁੱਕ ਜੂਸਰ ਦੀ ਟਾਇਮਲਾਈਨ ਕਲਾਸਿਕ ਵਿਓ ਵਿੱਚ ਹੀ ਦਿਖਾਈ ਦੇਵੇਗੀ... 

ਗੁਰਸ਼ਾਮ ਸਿੰਘ ਚੀਮਾਂ 

Post Comment

ਹਮਲਾਵਰ ਦੀ ਮਾਂ ਨੇ ਪੀੜਤਾਂ ਤੋਂ ਮੰਗੀ ਮੁਆਫੀ (ਮ੍ਰਿਤਕ ਦੇਹਾਂ ਨੂੰ ਲਿਆਉਣ ਦਾ ਖਰਚਾ ਪੰਜਾਬ ਸਰਕਾਰ ਝੱਲੇਗੀ)

ਕੇਂਦਰ ਸਰਕਾਰ ਪੀੜਤਾਂ ਦੀ ਪੂਰੀ ਮਦਦ ਕਰੇਗੀ
 7 ਅਗਸਤ ਕੇਂਦਰ ਪਰਵਾਸੀ ਭਾਰਤੀ ਮਾਮਲਿਆਂ ਬਾਰੇ ਮੰਤਰੀ ਵੀ. ਰਵੀ ਨੇ ਅਮਰੀਕਾ ਦੇ ਗੁਰਦੁਆਰੇ ਵਿੱਚ ਗੋਲੀਬਾਰੀ ਕਰਕੇ ਸਿੱਖਾਂ ਦੀ ਹੱਤਿਆ ਕਰਨ ਦੀ ਨਿਖੇਧੀ ਕਰਦਿਆਂ ਅਮਰੀਕਾ ਵਿਚਾਲੇ ਭਾਰਤੀ ਸਫ਼ਾਰਤਖਾਨੇ ਨੂੰ ਕਿਹਾ ਹੈ ਕਿ ਉਹ ਪੀੜ੍ਹਤ ਪਰਿਵਾਰਾਂ ਦੀ ਹਰ ਸੰਭਵ ਮਦਦ ਕਰੇ। ਉਧਰ ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਇਸ ਘਟਨਾ ਮਗਰੋਂ ਦੇਸ਼ਵਾਸੀਆਂ ਨੂੰ ਆਤਮ ਚਿੰਤਨ ਕਰਨ ਲਈ ਕਿਹਾ ਹੈ ਤਾਂ ਜੋ ਅਜਿਹੀ ਹਿੰਸਾ ‘ਚ ਕਮੀ ਲਿਆਂਦੀ ਜਾ ਸਕੇ।ਮਿਲਵਾਕੀ ਦੇ ਗੁਰਦੁਆਰੇ ਵਿਚ ਸੰਗਤ ਉਪਰ ਗੋਲੀਆਂ ਚਲਾ ਕੇ 6 ਸਿੱਖਾਂ ਦੀ ਹੱਤਿਆ ਕਰਨ ਵਾਲੇ ਸਾਬਕਾ ਫੌਜੀ ਦੀ ਮਾਂ ਨੇ ਆਪਣੇ ਪੁੱਤ ਦੇ ਗੁਨਾਹ ਲਈ ਸਿੱਖਾਂ ਤੋਂ ਮੁਆਫ਼ੀ ਮੰਗੀ ਹੈ। ਲੌਹਾ ਲਿਨ ਨੇ ‘ਮੇਲਆਨਲਾਈਨ’ ‘ਚ ਕਿਹਾ, ”ਜਦੋਂ ਮੈਂ ਆਪਣੇ ਪੁੱਤ ਵਾਡੇ ਮਾਈਕਲ ਪੇਜ ਵੱਲੋਂ ਕੀਤੀ ਕਰਤੂਤ ਬਾਰੇ ਸੁਣਿਆ ਤਾਂ ਮੇਰੇ ਹੋਸ਼ ਉੱਡ ਗਏ। ਸੱਚੀ ਗੱਲ ਤਾਂ ਇਹ ਹੈ ਕਿ ਜਦੋਂ ਦਾ ਮੇਰੇ ਆਪਣੇ ਪਤੀ ਜੈਸੀ ਐਲਵਿਨ ਪੇਜ ਨਾਲ ਤਲਾਕ ਹੋਇਆ ਹੈ, ਉਸ ਤੋਂ ਬਾਅਦ  ਮਾਈਕਲ ਨਾਲ ਮੇਰੀ ਕਦੇ ਵੀ ਗੱਲ ਨਹੀਂ ਹੋਈ। ਮਾਈਕਲ ਅਜਿਹਾ ਹੋਵੇਗਾ ਮੈਂ ਕਦੇ  ਸੋਚਿਆ ਨਹੀਂ ਸੀ। ਜਿਹੜੇ ਲੋਕਾਂ ਨੇ ਆਪਣੇ ਗੁਆ ਲਏ ਹਨ, ਮੈਂ ਉਨ੍ਹਾਂ ਤੋਂ ਮੁਆਫੀ ਮੰਗਦੀ ਹਾਂ।” ਸ੍ਰੀ ਰਵੀ ਨੇ ਇਕ ਬਿਆਨ ਜਾਰੀ ਕਰਦਿਆਂ ਮਿਲਵਾਕੀ ਦੇ ਓਕ ਕਰੀਕ  ਗੁਰਦੁਆਰੇ ਵਿੱਚ ਸਿੱਖਾਂ ਦੀ ਹੱਤਿਆ ਕਰਨ ਦੀ ਨਿਖੇਧੀ ਕੀਤੀ ਹੈ। ਉਨ੍ਹਾਂ ਨੇ ਵਾਸ਼ਿੰਗਟਨ ਸਥਿਤ ਭਾਰਤੀ ਸਫ਼ਾਰਤਖਾਨੇ ਤੇ ਸ਼ਿਕਾਗੋ ਕੌਂਸਲ ਜਨਰਲ ਨੂੰ ਹੁਕਮ ਦਿੱਤਾ ਹੈ ਕਿ ਉਹ ਪ੍ਰਭਾਵਤ ਭਾਰਤੀਆਂ ਦੀ ਹਰ ਸੰਭਵ ਮਦਦ ਕਰਨ।
ਵਿਦੇਸ਼ ਮੰਤਰੀ ਐਸਐਮ ਕ੍ਰਿਸ਼ਨਾ ਨੇ ਅਮਰੀਕੀ ਵਿਦੇਸ਼ ਮੰਤਰੀ ਹਿਲੇਰੀ ਕÇਲੰਟਨ ਨਾਲ ਗੱਲ ਕਰਕੇ ਇਸ ਘਟਨਾ ‘ਤੇ ਡੂੰਘੀ ਚਿੰਤਾ ਤੇ ਨਾਖੁਸ਼ੀ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਭਾਰਤੀਆਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੀ ਮੰਗ ਕੀਤੀ ਹੈ।
ਵ੍ਹਾਈਟ ਹਾਊਸ ਵਿਖੇ ਪ੍ਰੈੱਸ ਕਾਨਫਰੰਸ ਦੌਰਾਨ ਸ੍ਰੀ ਓਬਾਮਾ ਨੇ ਦੇਸ਼ਵਾਸੀਆਂ ਨੂੰ ਅਜਿਹੀਆਂ ਘਟਨਾਵਾਂ ‘ਤੇ ਨੱਥ ਪਾਉਣ ਲਈ ਆਤਮ ਚਿੰਤਨ ਕਰਨ ਦਾ ਸੱਦਾ ਦਿੱਤਾ।
ਉਨ੍ਹਾਂ ਕਿਹਾ, ”ਮੈਨੂੰ ਲੱਗਦਾ ਹੈ ਕਿ ਆਪਾਂ ਸਾਰੇ ਮਹਿਸੂਸ ਕਰਦੇ ਹਾਂ ਕਿ ਅਜਿਹੀਆਂ ਖੌਫਨਾਕ ਤੇ ਦੁਖਦ ਘਟਨਾਵਾਂ ਵਧ ਰਹੀਆਂ ਹਨ। ਇਨ੍ਹਾਂ ਨੂੰ ਠੱਲ ਪਾਉਣ ਲਈ ਆਪਣੇ ਅੰਦਰ ਝਾਤ ਮਾਰਨ ਦੀ ਲੋੜ ਹੈ। ਅਜਿਹੀਆਂ ਹਿੰਸਕ ਘਟਨਾਵਾਂ ਨਾਲ ਅਮਰੀਕੀਆਂ ਦੇ ਦਿਲਾਂ ਨੂੰ ਸੱਟ ਵੱਜੀ ਹੈ। ਜੇਕਰ ਅਸੀਂ ਮੁੱਢਲੀਆਂ ਰਿਪੋਰਟਾਂ ਨੂੰ ਦੇਖੀਏ ਜਿਨ੍ਹਾਂ ਵਿੱਚ ਇਹ ਨਸਲੀ ਹਮਲਾ ਹੋਇਆ ਲਗਦਾ ਹੈ ਤਾਂ ਮੈਂ ਇਹੀ ਕਹਾਂਗਾ ਕਿ ਆਪਾਂ ਕਿਧਰ ਜਾ ਰਹੇ ਹਾਂ। ਅਜਿਹੇ ਵਿਵਹਾਰ ਨੂੰ ਤੁਰੰਤ ਨਕੇਲ ਪਾਉਣ ਦੀ ਲੋੜ ਹੈ। ਅਮਰੀਕੀ ਸਭਿਅਕ ਸਮਾਜ ਵਿੱਚ ਜਿਊਣ ਵਾਲੇ ਹਨ ਤੇ ਰੰਗ ਤੇ ਨਸਲ ਭੇਦਭਾਵ ਦੀ ਇਸ ਵਿੱਚ ਕੋਈ ਥਾਂ ਨਹੀਂ।”
6 ਮ੍ਰਿਤਕਾਂ ਵਿੱਚ 4 ਭਾਰਤੀ :ਅਮਰੀਕੀ ਗੁਰਦੁਆਰੇ ਵਿੱਚ ਮਾਰੇ ਗਏ 6 ਸਿੱਖਾਂ ਵਿੱਚੋਂ 4 ਭਾਰਤੀ ਹਨ ਤੇ ਇਨ੍ਹਾਂ ਵਿੱਚੋਂ ਇਕ ਹਾਲ ਹੀ ਦੌਰਾਨ ਇਥੇ ਆਇਆ ਸੀ। ਮ੍ਰਿਤਕਾਂ ਵਿੱਚ ਸੰਤਾ ਸਿੰਘ (41), ਹਰਦੀਪ ਸਿੰਘ (49), ਸਤਵੰਤ ਸਿੰਘ ਕਾਲੇਕਾ (62), ਪ੍ਰਕਾਸ਼ ਸਿੰਘ (39), ਪਰਮਜੀਤ ਕੌਰ (41) ਤੇ ਸੁਭਾਇਕ ਸਿੰਘ (84) ਸ਼ਾਮਲ ਹਨ।
ਭਾਰਤੀ ਸਫ਼ਾਰਤਖਾਨੇ ਨੇ ਮ੍ਰਿਤਕਾਂ ਦੇ ਨਾਂ ਨਸ਼ਰ ਕਰਦਿਆਂ ਕਿਹਾ ਹੈ ਕਿ ਇਨ੍ਹਾਂ ਵਿੱਚੋਂ 4 ਭਾਰਤੀ ਨਾਗਰਿਕ ਸਨ, ਪਰ ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਇਨ੍ਹਾਂ ਵਿੱਚ ਕਿਹੜੇ ਭਾਰਤੀ ਨਾਗਰਿਕ ਸਨ।
ਭਾਰਤੀ ਸਫ਼ਾਰਤਖਾਨੇ ਵਿਚਲੇ ਭਾਈਚਾਰਕ ਮਾਮਲਿਆਂ ਬਾਰੇ ਅਧਿਕਾਰੀ ਦੱਤਾ ਪਡਸਾਲਗੀਕਰ ਤੇ ਸ਼ਿਕਾਗੋ ਕੌਂਸਲਖਾਨੇ ਦੇ ਐਨ ਜੇ ਗੰਗਟੇ ਨੇ ਅੱਜ ਘਟਨਾ ਵਾਲੀ ਥਾਂ ਦਾ ਦੌਰਾ ਕੀਤਾ ਤੇ ਸਥਾਨਕ ਨਿਵਾਸੀਆਂ ਨਾਲ ਗੱਲਬਾਤ ਕੀਤੀ।
ਇਸ ਦੌਰਾਨ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਅਮਰੀਕਾ ਵਿਚਲੀ ਭਾਰਤੀ ਰਾਜਦੂਤ ਨਿਰੂਪਮਾ ਰਾਓ ਨਾਲ ਗੱਲਬਾਤ ਕੀਤੀ, ਜਿਨ੍ਹਾਂ ਨੇ ਪੀੜ੍ਹਤ ਪਰਿਵਾਰਾਂ ਦੀ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ।
ਕਾਫੀ ਸਾਲਾਂ ਤੋਂ ਨਜ਼ਰ ਸੀ ਪੇਜ ‘ਤੇ : ਸਾਊਦਾਨ ਪਾਵਰਟੀ ਲਾਅ ਸੈਂਟਰ ਦੀ ਡਾਇਰੈਕਟਰ ਹੇਦੀ ਬਿਰਿਚ ਨੇ ਕਿਹਾ ਕਿ ਮਾਈਕਲ ਪੇਜ ਉਪਰ ਸਾਲ 2000 ਤੋਂ ਨਜ਼ਰ ਰੱਖੀ ਜਾ ਰਹੀ ਸੀ ਕਿਉਂਕਿ ਉਦੋਂ ਉਸ ਨੇ ਨਸਲਗ੍ਰਸਤ ਗਰੁੱਪ ਕੋਲੋਂ ਸਾਮਾਨ ਖਰੀਦਣ ਦੀ ਕੋਸ਼ਿਸ਼ ਕੀਤੀ ਸੀ।ਸੈਂਟਰ ਦੀ ਗੁਪਤ ਰਿਪੋਰਟ ਅਨੁਸਾਰ, ”ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਪੇਜ ਨਸਲਗ੍ਰਸਤ ਸੀ ਤੇ ਗੋਰੀ ਚਮੜੀ ਨੂੰ ਸਭ ਤੋਂ ਉੱਤਮ ਮੰਨਦਾ ਸੀ।”
ਝੁਕੇ ਰਹਿਣਗੇ ਅਮਰੀਕੀ ਝੰਡੇ : ਛੇ ਸਿੱਖਾਂ ਦੀ ਹੱਤਿਆ ਦੇ ਸੋਗ ਵਜੋਂ  ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਦੇਸ਼ ਦੀਆਂ ਸਾਰੀਆਂ ਸਰਕਾਰੀ ਇਮਾਰਤਾਂ ਤੇ ਦੁਨੀਆਂ ਭਰ ਵਿਚਲੇ ਅਮਰੀਕੀ ਸਫ਼ਾਰਤਖਾਨਿਆਂ ‘ਤੇ ਝੂਲ ਰਹੇ ਕੌਮੀ ਝੰਡੇ 10 ਅਗਸਤ ਤੱਕ ਝੁਕਾਉਣ ਦੇ ਹੁਕਮ ਦਿੱਤੇ ਹਨ।
ਵਾਰਦਾਤ ਵਿੱਚ ਕੋਈ ਦੂਜਾ ਨਹੀਂ ਸੀ : ਐਫਬੀਆਈ ਨੇ ਕਿਹਾ ਹੈ ਕਿ ਗੁਰਦੁਆਰਾ ਗੋਲੀਕਾਂਡ ਵਿੱਚ ਵੇਡ ਮਾਈਕਲ ਪੇਜ ਤੋਂ ਇਲਾਵਾ ਹੋਰ ਕੋਈ ਸ਼ਾਮਲ ਨਹੀਂ ਸੀ। -ਪੀ.ਟੀ.ਆਈ.

ਮ੍ਰਿਤਕ ਦੇਹਾਂ ਨੂੰ ਲਿਆਉਣ ਦਾ ਖਰਚਾ ਪੰਜਾਬ ਸਰਕਾਰ ਝੱਲੇਗੀ
ਅਮਰੀਕਾ ਦੇ ਓਕ ਕਰੀਕ ਗੁਰਦੁਆਰੇ ਵਿੱਚ ਵਾਪਰੀ ਘਟਨਾ ਦੇ ਮ੍ਰਿਤਕਾਂ ਦੀਆਂ ਦੇਹਾਂ ਨੂੰ ਸਸਕਾਰ ਲਈ ਉਨ੍ਹਾਂ ਦੇ ਜੱਦੀ ਸਥਾਨਾਂ ‘ਤੇ ਲਿਆਉਣ ਦਾ ਖਰਚਾ ਪੰਜਾਬ ਸਰਕਾਰ ਝੱਲੇਗੀ।  ਇਹ ਭਰੋਸਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਪੀੜਤਾਂ ਦੇ ਪਰਿਵਾਰਾਂ ਨੂੰ ਦਿੱਤਾ। ਸ੍ਰੀ ਬਾਦਲ ਬੀਤੀ ਦੇਰ ਸ਼ਾਮ ਸੀਤਾ ਸਿੰਘ ਤੇ ਰਣਜੀਤ ਸਿੰਘ ਦੇ ਪਰਿਵਾਰਾਂ ਨੂੰ ਮਿਲੇ। ਇਹ ਦੋਵੇਂ ਭਰਾ ਓਕ ਕਰੀਕ ਗੁਰਦੁਆਰੇ ਵਿੱਚ ਵਾਪਰੀ ਗੋਲੀਬਾਰੀ ਦੀ ਘਟਨਾ ਵਿੱਚ ਮਾਰੇ ਗਏ ਸਨ। ਮੁੱਖ ਮੰਤਰੀ ਨੇ ਬੀਤੀ ਦੇਰ ਰਾਤ ਅਮਰੀਕਾ ਵਿੱਚ ਭਾਰਤੀ ਸਫ਼ੀਰ ਸ੍ਰੀਮਤੀ ਨਿਰੁਪਮਾ ਰਾਏ ਨਾਲ ਵੀ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਭਾਰਤੀ ਰਾਜਦੂਤ ਨੂੰ ਆਖਿਆ ਕਿ ਅਮਰੀਕਾ ਵਿੱਚ ਪੀੜਤ ਪਰਿਵਾਰਾਂ ਨੂੰ ਸਥਾਨਕ ਰਾਹਤ ਦੇ ਨਾਲ ਨਾਲ ਭਾਰਤ ਵਿੱਚ ਮ੍ਰਿਤਕ ਦੇਹਾਂ ਲਿਆਉਣ ਲਈ ਪੂਰਾ ਸਹਿਯੋਗ ਦਿੱਤਾ ਜਾਵੇ। ਮੁੱਖ ਮੰਤਰੀ ਨੇ ਆਖਿਆ ਕਿ ਸਰਕਾਰ ਪੀੜਤਾਂ ਦੀਆਂ ਦੇਹਾਂ ਨੂੰ ਪੂਰੇ ਮਾਣ ਸਨਮਾਨ ਨਾਲ ਭਾਰਤ ਲਿਆਉਣ ਲਈ ਹਰ ਤਰ੍ਹਾਂ ਦਾ ਸਹਿਯੋਗ ਦੇਵੇਗੀ ਅਤੇ ਖਰਚਾ ਝੱਲੇਗੀ। ਉਨ੍ਹਾਂ ਨੇ ਮ੍ਰਿਤਕ ਦੇਹਾਂ ਨੂੰ ਭਾਰਤ ਲਿਆਉਣ ਲਈ ਅਮਰੀਕਾ ਵਿੱਚ ਭਾਰਤੀ ਦੂਤਘਰ ਪਾਸੋਂ ਸਹਿਯੋਗ ਦੀ ਮੰਗ ਕੀਤੀ।

Post Comment

ਬਾਦਲ ਵੱਲੋ ਗੁਰਦੁਆਰੇ'ਚ ਗੋਲੀਬਾਰੀ ਕਾਰਨ ਮਾਰੇ ਗਏ ਦਿੱਲੀ ਦੇ ਦੋਵਾਂ ਮ੍ਰਿਤਕਾਂ ਦੇ ਪਰਿਵਾਰਾਂ ਨਾਲ ਮੁਲਾਕਾਤ

ਪ੍ਰੇਸ ਰਿਲੀਜ਼ ੦੭/੦੮/੨੦੧੨   ਬਾਦਲ ਵੱਲੋਂ ਮ੍ਰਿਤਕਾਂ ਦੇ ਪਾਰਥਿਕ ਸ਼ਰੀਰ ਦਿੱਲੀ ਲਿਆਉਣ ਲਈ ਅਮਰੀਕਾ 'ਚ ਭਾਰਤੀ ਰਾਜਦੂਤ ਨਿਰੁਪਮਾਂ ਰਾਓ ਨਾਲ ਫੋਨ 'ਤੇ ਗੱਲਬਾਤ 
ਨਵੀਂ ਦਿੱਲੀ :- ਅਮਰੀਕਾ ਦੇ ਵਿਨਕਾਂਸਿਕ ਪ੍ਰਾਂਤ ਦੇ ਸ਼ਹਿਰ ਓਕ - ਕ੍ਰੀਕ ਵਿਖੇ ਗੁਰਦੁਆਰਾ ਸਾਹਿਬ ' ਚ ਅਣਪਛਾਤੇ ਹਮਲਵਾਰਾਂ ਵੱਲੋਂ ਕੀਤੀ ਗਈ ਗੋਲੀਬਾਰੀ'ਚ ਮਾਰੇ ਗਏ ਤਿਲਕ ਨਗਰ ਖੇਤਰ ਦੇ ਸ਼ਾਮ ਨਗਰ ਅਤੇ ਚਾਂਦ ਨਗਰ ਇਲਾਕੇ ਦੇ ਦੋ ਸਕੇ ਭਰਾਵਾਂ ਸੀਤਾ ਸਿੰਘ ਅਤੇ ਰੰਜੀਤ ਸਿੰਘ ਦੇ ਪੀੜ੍ਹਤ ਪਰਿਵਾਰਾਂ ਨਾਲ ਉਨ੍ਹਾਂ ਦੇ ਵਿਕਾਸ ਵਿਖੇ ਬੀਤੀ ਦੇਰ ਰਾਤ ਪੰਜਾਬ ਦੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਨੇ ਮੁਲਾਕਾਤ ਕੀਤੀ ਅਤੇ ਇਸ ਅਨ੍ਮ੍ਨੁਖੀ ਘਟਨਾ ' ਤੇ ਅਫਸੋਸ ਪ੍ਰਗਟਾਉਣ ਤੋਂ ਬਾਅਦ ਪੀੜ੍ਹਤ ਪਰਿਵਾਰਾਂ ਦੀ ਹਰ ਸੰਭਵ ਮਦਦ ਕਰਨ ਦਾ ਭਰੋਸਾ ਦਿਲਾਇਆ । ਉਨ੍ਹਾਂ ਨਾਲ ਅਕਾਲੀ ਦਲ ਬਾਦਲ ਦੇ ਦਿੱਲੀ ਪ੍ਰਦੇਸ਼ ਪ੍ਰਧਾਨ ਜਥੇ.ਮਨਜੀਤ ਸਿੰਘ ਜੀ.ਕੇ.,ਜਥੇ. ਅਵਤਾਰ ਸਿੰਘ ਹਿਤ ਕੋਮੀ ਜਨਰਲ ਸਕੱਤਰ, ਮਨਜਿੰਦਰ ਸਿੰਘ ਸਿਰਸਾ ਪ੍ਰਧਾਨ ਯੂਥ ਵਿੰਗ , ਦਲਜੀਤ ਸਿੰਘ ਵਢਾਲੀ ਅਤੇ ਚਮਨ ਸਿੰਘ ਸ਼ਾਹਪੁਰਾ ਆਦਿ ਵੀ ਮੋਜੂਦ ਸਨ ।

Post Comment

ਭਰ ਆਏ ਦਿਲ (ਐੱਫ. ਬੀ. ਆਈ. ਨੇ ਸ਼ੁਰੂ ਕੀਤੀ ਜਾਂਚ)

ਐੱਫ. ਬੀ. ਆਈ. ਨੇ ਸ਼ੁਰੂ ਕੀਤੀ ਜਾਂਚ
ਨਿਊਯਾਰਕ:¸ ਅਮਰੀਕਾ ਦੇ ਵਿਸਕਾਨਸਿੰਨ ਸਥਿਤ ਗੁਰਦਵਾਰੇ ਵਿਚ ਹੋਈ ਗੋਲੀਬਾਰੀ ਦੀ ਘਟਨਾ ਨੂੰ ਸਥਾਨਕ ਪੁਲਸ ਪ੍ਰਸ਼ਾਸਨ ਨੇ 'ਘਰੇਲੂ ਅੱਤਵਾਦ' ਦੀ ਕਾਰਵਾਈ ਦੱਸਿਆ ਹੈ। ਓਕ ਕ੍ਰੀਕ ਦੇ ਪੁਲਸ ਮੁਖ ਜਾਨ ਐਡਵਰਡਜ਼ ਨੇ ਕਿਹਾ ਕਿ ਪੁਲਸ ਇਸ ਘਟਨਾ ਨੂੰ ਘਰੇਲੂ ਅੱਤਵਾਦ ਦੇ ਤੌਰ 'ਤੇ ਦੇਖ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਘਰੇਲੂ ਅੱਤਵਾਦ ਉਹ ਹੈ ਜਦੋਂ ਕੋਈ ਅਮਰੀਕਾ ਵਿਚ ਹੀ ਅੱਤਵਾਦ ਫੈਲਾਉਂਦਾ ਹੈ। ਘਟਨਾ ਦਾ ਬਿਊਰਾ ਦਿੰਦੇ ਹੋਏ ਪੁਲਸ ਨੇ ਦੱਸਿਆ ਕਿ ਐਤਵਾਰ ਨੂੰ ਸਵੇਰੇ 10.30 ਵਜੇ ਗੁਰਦਵਾਰੇ ਵਿਚ ਗੋਲੀਬਾਰੀ ਹੋਣ ਦੀ ਸੂਚਨਾ ਮਿਲੀ। ਅੱਖੀਂ ਦੇਖਣ ਵਾਲਿਆਂ ਅਤੇ ਪ੍ਰਭਾਵਿਤਾਂ ਦੇ ਪਰਿਵਾਰਾਂ ਨੇ ਦੱਸਿਆ ਕਿ ਕਈ ਔਰਤਾਂ ਤੇ ਬੱਚੇ ਗੁਰਦਵਾਰੇ ਦੇ ਅੰਦਰ ਹੀ ਸਨ ਅਤੇ ਕੁਝ ਤਾਂ ਗੋਲੀਬਾਰੀ ਸ਼ੁਰੂ ਹੋਣ 'ਤੇ ਆਸੇ-ਪਾਸੇ ਲੁਕ ਗਏ ਸਨ। ਪੁਲਸ ਨੇ ਘਟਨਾ ਸਥਾਨ ਤੋਂ ਹਥਿਆਰ ਬਰਾਮਦ ਕੀਤੇ ਹਨ। ਉਥੋਂ ਦੇ ਆਟੋਮੈਟਿਕ ਹੈਂਡ ਗੰਨਜ਼ ਬਰਾਮਦ ਕੀਤੀਆਂ ਹਨ। ਸ਼ੁਰੂ ਵਿਚ ਅੱਖੀਂ ਦੇਖਣ ਵਾਲਿਆਂ ਨੇ ਅਤੇ ਗੁਰਦਵਾਰੇ ਦੇ ਅੰਦਰ ਮੌਜੂਦ ਲੋਕਾਂ ਨੇ ਦਸਿਆ ਕਿ ਇਕ ਤੋਂ ਜ਼ਿਆਦਾ ਹਮਲਾਵਰ ਸਨ ਪਰ ਪੁਲਸ ਮੁਖੀ ਐਡਵਰਡਜ਼ ਨੇ ਕਿਹਾ ਕਿ ਹਮਲਾਵਰ ਸਿਰਫ ਇਕ ਹੀ ਸੀ। ਪੁਲਸ ਤੇ ਜਾਂਚ ਅਧਿਕਾਰੀ ਗੁਰਦਵਾਰੇ ਦੇ ਆਸ-ਪਾਸ ਦੀ ਵੀ ਤਲਾਸ਼ੀ ਲੈ ਕੇ ਪਤਾ ਲਗਾ ਰਹੇ ਹਨ ਕਿ ਕਿਤੇ ਹੋਰ ਲੋਕ ਤਾਂ ਇਸ ਘਟਨਾ ਵਿਚ ਸ਼ਾਮਲ ਨਹੀਂ ਸਨ। ਫਿਲਹਾਲ ਪੁਲਸ ਕੋਲ ਹਮਲਾਵਰ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਅਤੇ ਉਸ ਦਾ ਕਹਿਣਾ ਹੈ ਕਿ ਕੋਈ ਸ਼ੱਕੀ ਵੀ ਉਸ ਦੀ ਹਿਰਾਸਤ ਵਿਚ ਨਹੀਂ ਹੈ। ਅਮਰੀਕਾ ਦੀ ਸੰਘੀ ਜਾਂਚ ਏਜੰਸੀ (ਐੱਫ. ਬੀ. ਆਈ.) ਨੇ ਇਸ ਹਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਨਜ਼ਰੀਏ ਨਾਲ ਛਾਣਬੀਣ ਕਰ ਰਹੀ ਹੈ ਕਿ ਕੀ ਇਹ ਘਰੇਲੂ ਅੱਤਵਾਦ ਦੀ ਕਾਰਵਾਈ ਸੀ। ਐੱਫ. ਬੀ. ਆਈ. ਦੀ ਸਪੈਸ਼ਲ ਏਜੰਟ ਇੰਚਾਰਜ ਟੈਰੇਸਾ ਕਾਰਲਸਨ ਨੇ ਬਿਆਨ ਵਿਚ ਕਿਹਾ ਕਿ ਇਸ ਘਟਨਾ ਦੇ ਪਿੱਛੇ ਕਿਸੇ ਮਕਸਦ ਦੇ ਬਾਰੇ ਵਿਚ ਅਜੇ ਪਤਾ ਨਹੀਂ ਲੱਗਾ ਹੈ। ਉਨ੍ਹਾਂ ਕਿਹਾ ਕਿ ਐੱਫ. ਬੀ. ਆਈ. ਓਕ ਕ੍ਰੀਕ ਪੁਲਸ ਵਿਭਾਗ ਅਤੇ ਹੋਰ ਸਥਾਨਕ ਅਤੇ ਸੰਘੀ ਏਜੰਸੀਆਂ ਨਾਲ ਨਜ਼ਦੀਕੀ ਸੰਪਰਕ ਵਿਚ ਹੈ ਤਾਂ ਕਿ ਗੋਲੀਬਾਰੀ ਦੀ ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਸਕੇ। ਗੋਲੀਬਾਰੀ ਦੀ ਘਟਨਾ ਵਿਚ 7 ਵਿਅਕਤੀ ਮਾਰੇ ਗਏ ਹਨ। ਹਮਲਾਵਰ ਕੋਲੋਂ ਆਈ. ਡੀ. ਮਿਲੀ ਹੈ ਅਤੇ ਉਸ ਦੇ ਘਰ ਦੀ ਤਲਾਸ਼ੀ ਲਈ ਜਾ ਰਹੀ ਹੈ। ਐੱਫ. ਬੀ. ਆਈ. ਨੇ ਇਕ ਬਿਆਨ ਵਿਚ ਕਿਹਾ ਕਿ ਪ੍ਰਭਾਵਿਤ ਹੋਏ ਲੋਕਾਂ ਅਤੇ ਦੂਸਰਿਆਂ ਦੀ ਰੱਖਿਆ ਕਰਦੇ ਜ਼ਖਮੀ ਅਧਿਕਾਰੀ ਦੇ ਨਾਲ ਸਾਡੀ ਪੂਰੀ ਹਮਦਰਦੀ ਹੈ।
ਸਦਮੇ 'ਚ ਮਨਮੋਹਨ
ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਇਕ ਬਿਆਨ ਵਿਚ ਕਿਹਾ, ''ਮੈਂ ਇਹ ਸੁਣ ਕੇ ਬਹੁਤ ਜ਼ਿਆਦਾ ਸਦਮੇ ਵਿਚ ਅਤੇ ਦੁਖੀ ਹਾਂ ਕਿ ਵਿਸਕਾਨਸਿੰਨ 'ਚ ਇਕ ਗੁਰਦਵਾਰੇ ਵਿਚ ਅਰਦਾਸ ਦੇ ਮੌਕੇ ਹਾਜ਼ਰ ਲੋਕਾਂ 'ਤੇ ਹੋਈ ਗੋਲੀਬਾਰੀ ਵਿਚ ਕੀਮਤੀ ਜਾਨਾਂ ਚਲੀਆਂ ਗਈਆਂ ਹਨ।'' ਉਨ੍ਹਾਂ ਨੇ ਇਸ ਘਟਨਾ 'ਤੇ ਦੁਖ ਪ੍ਰਗਟ ਕੀਤਾ।
ਪ੍ਰਧਾਨ ਮੰਤਰੀ ਦੇਣ ਦਖਲ : ਬਾਦਲ
ਪੰਜਾਬ ਦੇ ਮੁਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਇਸ ਘਟਨਾ 'ਤੇ ਡੂੰਘੇ ਦੁਖ ਦਾ ਪ੍ਰਗਟਾਵਾ ਕਰਦੇ ਹੋਏ ਇਸ ਮਾਮਲੇ ਵਿਚ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਤੋਂ ਦਖਲ ਦੇਣ ਦੀ ਮੰਗ ਕੀਤੀ ਹੈ।
ਸਿੱਖ ਅਮਰੀਕੀ ਪਰਿਵਾਰ ਦਾ ਹਿੱਸਾ : ਓਬਾਮਾ
ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਗੁਰਦਵਾਰੇ ਵਿਚ ਗੋਲੀਬਾਰੀ ਦੀ ਨਿੰਦਾ ਕੀਤੀ ਹੈ। ਉਨ੍ਹਾਂ ਨੇ ਇਸ ਘਟਨਾ ਦੀ ਜਾਂਚ ਵਿਚ ਪੂਰੀ ਮਦਦ ਦਾ ਵਾਅਦਾ ਕੀਤਾ ਹੈ। ਓਬਾਮਾ ਨੇ ਇਸ ਘਟਨਾ 'ਤੇ ਅਫਸੋਸ ਪ੍ਰਗਟਾਇਆ ਅਤੇ ਕਿਹਾ ਕਿ ਸਿੱਖ ਵਿਆਪਕ ਅਮਰੀਕੀ ਪਰਿਵਾਰ ਦਾ ਹਿੱਸਾ ਹਨ।

Post Comment

Sikh temple shooter identified as Wade Michael Page

AK CREEK — Police said Sunday, August 5th seven people are dead, including a gunman, and three others are injured following a shooting at the Sikh Temple in Oak Creek.
A high-ranking member of the Sikh community has said two of the dead are the equivalent of “priests” in the temple.
The Bureau of Alcohol, Tobacco and Firearms (ATF) Chicago division said the gunman was a white man in his 40s. Officials have identified the gunman as 40-year-old Wade Michael Page, a Cudahy resident. According to the Associated Press Page is an ex-military man.

Greenfield Police Chief Brad Wentlandt said Oak Creek dispatch received several 911 calls regarding a shooting at the temple around 10:30 a.m. Sunday.
Police say the first officer to the scene — a 20-year veteran, accomplished tactical officer, along with another officer were attending to a victim at the scene when they were ambushed by the gunman. The second officer engaged the active shooter, and according to police, the shooter died as a result of that officer’s actions.
The first responding officer was shot multiple times. The officer was transported to the hospital, and was in surgery for multiple gunshot wounds. Police say the officer shot is expected to survive. His name has not yet been released, pending family notification.
Police say there was a service going on inside the temple at the time of the shooting. It took officials most of the afternoon and into the early evening to clear and secure the temple and surrounding area.
Police say they believe this to be an act of “domestic terrorism,” which is defined as an act of terrorism occurring within the United States. Police said weapons were recovered at the scene, but have not elaborated on that at this time.
The FBI, Bureau of Alcohol, Tobacco and Firearms, Milwaukee Police Department and Milwaukee County District Attorney’s Office are assisting with the ongoing investigation, which is being led by the FBI.
Froedtert Hospital has confirmed three men were transported to the hospital following the shooting. Froedtert officials say all three are in critical condition. Froedtert officials said one man was shot in the abdomen and chest, one in the extremities and face and one in the neck. Two had undergone surgeries and another was undergoing a “complex procedure.” One of those three individuals is the first responding Oak Creek police officer.
Froedtert Hospital is a Level 1 Trauma Center and officials say it is “unfortunately not uncommon” to handle three shooting victims at one time.

A Sikh Temple member at the scene told FOX6 News the temple has an attendance of about 400-500 people per week. FOX6 News is told the temple is five years old.
The Sikh religion is based in northern India, and one church member says the religion has a Milwaukee-area population of around 1,000. The religion has a population in India of 2.5 million.
The next update is expected at Monday morning, August 6th, when officials will address the media.
The FBI is leading this investigation because it is an “act of domestic terrorism.”
The temple is clear, but officials have yet to release any victim names at this point in time, pending family notifications.
Officials are interviewing witnesses, and weapons experts will identify where shots were fired, and what kind of weapon(s) were used.

Post Comment

Who is Wade Michael Page, accused Sikh killer?

The man who fatally shot six people at a Sikh Temple in Wisconsin was identified today as Army veteran Wade Michael Page, 40, who washed out of the military in 1998 after a six-year hitch.

The Southern Poverty Law Center, a group that has studied hate crimes for decades, says on its website that Page was a frustrated neo-Nazi who had been the leader of a racist white-power band known as End Apathy.

Heidi Beirich, director of the center's intelligence project, tells the Milwaukee Journal Sentinel that her group had been tracking Page since 2000, when he tried to purchase goods from the National Alliance, a well-known hate group.

Beirich says there was "no question" Page was an ardent follower and believer in the white supremacist movement. She said her center had evidence that he attended "hate events" around the country.

"He was involved in the scene," she said.

Page enlisted in April 1992 and was given a less-than-honorable discharge in October 1998. CBS reports that Page served at Fort Bliss, Texas, in the psychological operations unit in 1994, and was last stationed at Fort Bragg, North Carolina, attached to the psychological operations there.

The New York Post reports that Page was a Hawk missile system repair specialist before moving on to psychological operations.

AP reports that such specialists are responsible for the analysis, development and distribution of intelligence used for influencing foreign populations.

The details of his discharge were not immediately clear.

Wade was killed outside the temple in a shootout with police officers after the rampage. CBS, citing unnamed sources, says evidence suggests race or ethnicity may have played a role in the violence, but no links to extremist groups have been confirmed.

Post Comment

Sikh temple shooting: Wisconsin police search gunman's home

Police scour apartment of unnamed gunman who was killed in shooting spree near Milwaukee that left six worshippers dead


Police have searched the home of a gunman who killed six people at a Sikh temple in southern Wisconsin, looking for clues to his motive.

A police officer called to the scene shot dead the gunman before he could fire on more worshippers as they prepared for Sunday services at the temple in Oak Creek, south of Milwaukee.

Three other people were in hospital with serious injuries, including a police officer who had also responded to the scene.

Authorities said they were treating the attack as an act of domestic terrorism.

The identity of the tall, bald, white suspect in his 40s was not immediately released. The names of the victims also were not made public pending notification of relatives, although members said the president of the congregation and a priest were among the victims.

CNN, citing a law enforcement source involved in the investigation, said the gunman was a US army veteran.

Authorities said the gunman had used a 9mm semi-automatic handgun, which was recovered at the scene. They were trying to track the origin of the weapon.

Wisconsin has some of the most permissive gun laws in the country and passed a law in 2011 allowing citizens to carry a concealed weapon.

Jagjit Singh Kaleka, the brother of the president of the temple, who was among the six Sikhs killed, said he had no idea about the motive for the attack.

"But we know the more assault weapons we distribute the more situations like this we will have," he said. A US ban on certain assault weapons expired in 2004.

Early on Monday, police were searching an apartment at a duplex in the Cudahy district near Milwaukee, presumed to be the home of the gunman. Generators and floodlights were set up along the street and a bomb squad was on the scene.

The attack came just over two weeks after a gunman killed 12 people at a cinema in Aurora, Colorado, where they were watching a screening of The Dark Knight Rises.

In January 2011, a gunman killed six people in an attack on an event held by the then congresswoman Gabrielle Giffords in Tucson, Arizona. Giffords was shot in the head but survived.

American Sikhs say they have often been singled out for harassment, and occasionally violent attack, since the 9/11 attacks. Sikhs are not Muslim but many Americans do not know the difference, members of the Sikh community say.

Some witnesses to the Wisconsin shooting said the suspect had a tattoo marking the attacks on 11 September 2001. Authorities confirmed he had tattoos but said they were not sure exactly what the tattoos illustrated.

There are 500,000 or more Sikhs in the US but the community in Wisconsin is small, with about 2,500 to 3,000 families, said local Sikhs.

The Sikh faith is the fifth largest in the world, with more than 30 million followers. It includes belief in one God and that the goal of life is to lead an exemplary existence.

The temple in Oak Creek was founded in October 1997 and has a congregation of 350 to 400 people.

"These people were going to church. Two weeks ago, it was people going to a movie. When is it going to end?" said Ray Zirkle, who came from Racine, Wisconsin, with his wife to light votive candles near the site of the shooting.

Post Comment

ਅਮਰੀਕੀ ਗੁਰਦਵਾਰੇ ‘ਚ ਅੰਨ੍ਹੇਵਾਹ ਫਾਇਰਿੰਗ, 7 ਦੀ ਮੌਤ, 30 ਜ਼ਖਮੀ

ਓਕ ਕਰੀਕ ਵਿਸਕਾਂਸਨ ਦੇ ਗੁਰਦਵਾਰੇ ਵਿੱਚ ਗੋਲੀ ਚੱਲੀ-7 ਦੀ ਮੌਤ, ਕਈ ਜਖਮੀ-ਪੁਲੀਸ ਅਫਸਰ ਵੀ ਗੋਲੀਬਾਰੀ ਵਿੱਚ ਜਖਮੀ

ਨਿਊਯਾਰਕ, 5 ਅਗਸਤ:-ਅਮਰੀਕੀ ਰਾਜ ਵਿਸਕੋਨਸਿਨ ਦੇ ਇਕ ਗੁਰਦੁਆਰੇ ਵਿਚ ਹੋਈ ਫਾਇਰਿੰਗ ਵਿਚ 7 ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ ਘੱਟੋ-ਘੱਟ 30 ਵਿਅਕਤੀ ਜ਼ਖ਼ਮੀ ਹੋ ਗਏ। ਗੋਲੀ ਚੱਲਣ ਦੀ ਘਟਨਾ ਅੱਜ ਸਵੇਰੇ 11.00 ਵਜੇ ਓਕ ਕਰੀਕ ਦੇ ਗੁਰਦੁਆਰੇ ਵਿਚ ਵਾਪਰੀ। ਗੁਰਦੁਆਰੇ ਵਿਚ ਉਸ ਸਮੇਂ ਦੀਵਾਨ ਸਜਿਆ ਹੋਇਆ ਸੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੁਝ ਹਮਲਾਵਰ ਗੁਰਦੁਆਰੇ ਅੰਦਰ ਦਾਖਲ ਹੋਏ ਅਤੇ ਸ਼ਰਧਾਲੂਆਂ ਨੂੰ ਬੰਧਕ ਬਣਾ ਲਿਆ। ਮੁਢਲੀਆਂ ਰਿਪੋਰਟਾਂ ਅਨੁਸਾਰ ਇਕ ਹਮਲਾਵਰ ਗੋਰਾ ਤੇ ਗੰਜਾ ਵਿਅਕਤੀ ਸੀ। ਉਹ ਦੇਖਣ ਨੂੰ ਭਾਰੀ-ਭਰਕਮ ਜਾਪਦਾ ਸੀ। ਉਸ ਨੇ ਸਲੀਵਲੈੱਸ ਟੀ-ਸ਼ਰਟ ਪਹਿਨੀ ਹੋਈ ਸੀ ਅਤੇ ਦੋ ਹੈਂਡ ਗੰਨਜ਼ ਨਾਲ ਲੈਸ ਸੀ। ਮਿਲਵਾਕੀ ਕਾਊਂਟੀ ਦੇ ਸ਼ੈਰਿਫ਼ ਦੇ ਦਫ਼ਤਰ ਨੇ ਸਮੁੱਚੀ ਘਟਨਾ ਬਾਰੇ ਜਾਣਕਾਰੀ ਦੇਣ ਤੋਂ ਨਾਂਹ ਕਰ ਦਿੱਤੀ ਹੈ। ਸ਼ੈਰਿਫ ਦਫਤਰ ਨੇ ਹਮਲਾਵਰਾਂ ਦੀ ਗਿਣਤੀ ਬਾਰੇ ਵੀ ਕੁਝ ਵੀ ਦੱਸਣ ਤੋਂ ਨਾਂਹ ਕਰ ਦਿੱਤੀ ਹੈ। ਉਂਜ, ਸ਼ੱਕ ਕੀਤਾ ਜਾਂਦਾ ਹੈ ਕਿ ਇਹ ਗਿਣਤੀ ਦੋ ਜਾਂ ਇਸ ਤੋਂ ਵੱਧ ਹੈ। ਇਨ੍ਹਾਂ ਵਿਚੋਂ ਇਕ ਨੂੰ ਪੁਲੀਸ ਵੱਲੋਂ ਮਾਰ ਗਿਰਾਏ ਜਾਣ ਦੀ ਵੀ ਖਬਰ ਹੈ।

ਸਿੱਖ ਜਥੇਬੰਦੀਆਂ ਨੇ ਖਦਸ਼ਾ ਪ੍ਰਗਟਾਇਆ ਹੈ ਕਿ ਹਮਲੇ ਦਾ ਸਬੰਧ ਨਸਲੀ ਨਫ਼ਰਤ ਨਾਲ ਹੈ। ਜ਼ਿਕਰਯੋਗ ਹੈ ਕਿ ਅਮਰੀਕਾ ਵਿਚ ਪਹਿਲਾਂ ਵੀ ਸਿੱਖ ਭਾਈਚਾਰਾ ਨਸਲੀ ਅਪਰਾਧਾਂ ਦਾ ਸ਼ਿਕਾਰ ਹੁੰਦਾ ਰਿਹਾ ਹੈ।

ਸਮਾਚਾਰ ਚੈਨਲ ਸੀ.ਐਨ.ਐਨ. ਅਨੁਸਾਰ ਗੁਰਦੁਆਰੇ ਵਿਚ ਫਾਇਰਿੰਗ ਬਾਰੇ ਜਾਣਕਾਰੀ ਮਿਲਦਿਆਂ ਹੀ ਪੁਲੀਸ ਦੇ ਨਾਲ ਇਕ ਦਰਜਨ ਤੋਂ ਵੱਧ ਐਂਬੂਲੈਂਸਾਂ ਗੁਰਦੁਆਰੇ ਦੇ ਬਾਹਰ ਪਹੁੰਚ ਗਈਆਂ। ਘੱਟੋ-ਘੱਟ ਦੋ ਜ਼ਖ਼ਮੀਆਂ ਨੂੰ ਫਰੋਡਫਰਟ ਹਸਪਤਾਲ ਵਿਚ ਦਾਖਲ ਕਰਾਏ ਜਾਣ ਦੀ ਖ਼ਬਰ ਹੈ। ਇਨ੍ਹਾਂ ਵਿੱਚੋਂ ਇਕ ਨੂੰ ਕਰਿਟੀਕਲ ਕੇਅਰ ਯੂਨਿਟ (ਸੀ.ਸੀ.ਯੂ.) ਵਿਚ ਦਾਖਲ ਕਰਾਇਆ ਗਿਆ ਹੈ। ਚੈਨਲ ਨੇ ਹਮਲਾਵਰਾਂ ਦੀ ਗਿਣਤੀ ਦੋ ਦੱਸੀ ਹੈ। ਇਹ ਵੀ ਕਿਹਾ ਹੈ ਕਿ ਹਮਲਾਵਰਾਂ ਨੇ ਗੁਰਦੁਆਰੇ ਵਿਚ ਜੁੜੇ 30 ਕੁ ਲੋਕਾਂ ਨੂੰ ਬੰਧਕ ਬਣਾ ਲਿਆ। ਇਨ੍ਹਾਂ ਵਿਚ ਇਸਤਰੀਆਂ ਤੇ ਬੱਚੇ ਵੀ ਸ਼ਾਮਲ ਹਨ। ਪੁਲੀਸ ਨੇ ਕੁਝ ਬੰਧਕਾਂ ਨੂੰ ਛੁਡਾ ਲਿਆ। ਪੁਲੀਸ ਦੀ ਕਾਰਵਾਈ ਦੌਰਾਨ ਇਕ ਪੁਲੀਸ ਅਫਸਰ ਵੀ ਜ਼ਖਮੀ ਹੋ ਗਿਆ। ਉਸ ਨੂੰ ਵੀ ਹਸਪਤਾਲ ਦਾਖਲ ਕਰਾਇਆ ਗਿਆ ਹੈ। ਓਕ ਕਰੀਕ ਸ਼ਹਿਰ ਨਿਊਯਾਰਕ ਤੋਂ 1250 ਕਿਲੋਮੀਟਰ ਦੀ ਦੂਰੀ ’ਤੇ ਹੈ। ਇਥੇ ਸਿੱਖਾਂ ਦੀ ਸੀਮਤ ਜਹੀ ਵਸੋਂ ਹੈ। ਐਤਵਾਰ ਨੂੰ ਗੁਰੂ ਘਰ ਵਿਚ 300-400 ਸ਼ਰਧਾਲੂ ਜੁੜਦੇ ਹਨ। ਅੱਜ ਦੇ ਦੀਵਾਨ ਲਈ ਭਾਰਤ ਤੋਂ ਇਕ ਕਥਾਵਾਚਕ ਉਚੇਰੇ ਤੌਰ ’ਤੇ ਦੀਵਾਨ ਵਿਚ ਕਥਾ ਕਰਨ ਆਇਆ ਹੋਇਆ ਸੀ। ਅਮਰੀਕਾ ਵਿਚਲੀ ਭਾਰਤੀ ਰਾਜਦੂਤ ਨਿਰੂਪਮਾ ਰਾਓ ਨੇ ਕਿਹਾ ਕਿ ਉਨ੍ਹਾਂ ਅਮਰੀਕੀ ਸਰਕਾਰ ਨਾਲ ਸੰਪਰਕ ਬਣਾਇਆ ਹੋਇਆ ਹੈ। ਹਮਲਾਵਰਾਂ ਦੀ ਮਨਸ਼ਾ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ। ਵਿਦੇਸ਼ ਮੰਤਰੀ ਐਸ.ਐਮ. ਕ੍ਰਿਸ਼ਨਾ ਨੇ ਵੀ ਨਿਰੁਪਮਾ ਰਾਓ ਤੋਂ ਮਾਮਲੇ ਦੀ ਜਾਣਕਾਰੀ ਹਾਸਲ ਕੀਤੀ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਗੋਲੀਬਾਰੀ ਦੀ ਘਟਨਾ ਦੀ ਨਿਖੇਧੀ ਕਰਦਿਆਂ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਤੋਂ ਇਹ ਮਾਮਲਾ ਅਮਰੀਕਾ ਸਰਕਾਰ ਨਾਲ ਉਠਾਉਣ ਲਈ ਕਿਹਾ ਹੈ।

ਬਾਦਲਾਂ ਵੱਲੋਂ ਹਮਲੇ ਦੀ ਨਿੰਦਾ

ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਵਿਸਕੋਨਸਿਨ ਗੁਰਦੁਆਰੇ ਵਿਚ ਹੋਏ ਗੋਲੀ ਕਾਂਡ ਨੂੰ ਬਹੁਤ ਦੁਖਦਾਇਕ ਤੇ ਨਿਖੇਧੀਜਨਕ ਘਟਨਾ ਦੱਸਿਆ ਹੈ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਮਰੀਕੀ ਪ੍ਰਸ਼ਾਸਨ ਕੋਲ ਇਹ ਮਾਮਲਾ ਉਠਾ ਕੇ ਉਸ ਦੇਸ਼ ਵਿਚ ਸਿੱਖ ਭਾਈਚਾਰੇ ਤੇ ਗੁਰੂਘਰਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ।

Post Comment

American Sikh Political Action Committee Reacts to Milwaukee Area Sikh Temple Tragedy

At least seven people were killed and at least 30 injured during morning services Aug. 5 by at least one gunman at the Oak Creek Sikh temple in Wisconsin in a possible hate crime. None of the seven victims nor those injured have yet been identified. A witness to the scene told local reporters that temple president Satwant Singh Kaleka has been shot, but it is unclear how serious his injuries are. Other unconfirmed reports say that the temple priest may also have been shot. Others injured have been taken to local hospitals. Police have allegedly killed one suspected gunman, according to multiple reports, but he has not been identified. Unconfirmed reports say there may be more suspects inside the temple and more victims hiding in the halls. Police have asked that relatives not attempt to call relatives believed to be inside the temple for fear of alerting additional gunmen. Hostages may have been taken, according to the police. According to recent information broadcast over police radio, a witness to the shooting told law enforcement the shooter was a white male, with a heavy build, bald head and wearing a sleeveless T-shirt. He was last seen with two handguns, reported various media.

An officer who responded to the scene engaged with the suspected gunman in the parking lot. The veteran officer was shot multiple times and is in surgery at Milwaukee's Froedtert Hospital, according to a police spokesman. His condition is not known. 

Flight for Life helicopters have arrived on the scene. A Wauwatosa fire truck and numerous squad cars also are on the scene. The FBI also has been called in, according to the Oak Creek Patch.

An officer who responded to the scene engaged with the suspected gunman in the parking lot. The veteran officer was shot multiple times and is in surgery at Milwaukee's Froedtert Hospital, according to a police spokesman. His condition is not known. 

Women and children were gathering for a meal before an 11:30 a.m. service when the shooting occurred. There are about 500 members of congregation, said officials.

Wisconsin Governor Scott Walker immediately issued a statement:  “While the situation in Oak Creek continues to develop rapidly, we are working with the FBI and local law enforcement. Our hearts go out to the victims and their families, as we all struggle to comprehend the evil that begets this terrible violence.”

“The Sacramento Sikh Community, like our brother and sisters across the country, is dismayed to learn of the horrible tragedy unfolding in the Milwaukee area today,” said Darshan Mundy, a spokesman for the Sacramento Sikh Temple. 

“The Sikh community has been the subject of many attacks over the years and since 9-11. At times like this, we must rely on our faith and join as a community to deal with this tragedy,” he said.

“Sikhs across the country today mourn with the families that have lost loved ones in the Milwaukee area Sikh Temple tragedy,” said Amar Shergill, local attorney and spokesperson for the American Sikh Political Action Committee. “This is not the first time that our community has been forced to deal with assaults and murderous attacks, particularly since 9-11. After the murder of two Sikh grandfathers in Elk Grove, we were blessed to receive support from many local religious communities and the community at large. We know that this latest tragedy is not representative of the true nature of our country,” he said.

The Indian embassy in Washington called the shootings a "tragic incident," and said it has been in touch with the National Security Council and local authorities to monitor the situation. our country"

Post Comment