ਕੱਲ ਨੂੰ ਹਿੰਦੁਸਤਾਨ ਮਨਾਵੇਗਾ
ਓਧਰ ਚੰਦ ਤਾਰੇ ਵਾਲਾ
ਇਧਰ ਤਿਰੰਗਾ ਲਹਿਰਾਵੇਗਾ
ਬੱਚਾ ਬੱਚਾ ਕਿਸੇ ਸੁਫਨਮਈ
ਆਜ਼ਾਦੀ ਦੇ ਗੀਤ ਗਾਵੇਗਾ
ਜਸ਼ਨਾਂ ਦੇ ਅੰਨ੍ਹੇ ਜੋਸ਼ ਵਿਚ
ਹਰ ਕੋਈ ਫਿਰ ਭੁੱਲ ਜਾਵੇਗਾ
ਇੱਕ ਘੁੱਗ ਵਸਦੇ ਦੇਸ਼ ਦਾ ਉਜਾੜਾ
ਦਸ ਲਖ ਬੰਦਿਆਂ ਦਾ ਕਤਲ
...
ਲੱਖਾਂ ਦੀ ਇਜ਼ਤ ਦਾ ਰੁਲਣਾ
ਖੂਹਾਂ ਵਿਚ ਸੁੱਟੀਆਂ ਧੀਆਂ
ਆਪਣੀ ਜੰਮਣ ਭੋਇਂ ਤੋਂ ਵਿਛੜੇ ਲੋਕ
ਪੰਜਾਬੀਆਂ ਨੂੰ ਪੁਛੇ ਕੌਣ
ਓਹ ਕੀ ਮਨਾਉਂਦੇ ਨੇ
ਚੌਦਾਂ ਤੇ ਪੰਦਰਾਂ ਅਗਸਤ ਨੂੰ!
ਆਜ਼ਾਦੀ ਦਾ ਜਸ਼ਨ ਮਨਾਉਣ ਵਾਲਿਓ
ਤਿਨ ਰੰਗਾ ਝੰਡਾ ਲਹਿਰਾਉਣ ਵਾਲਿਓ
ਸੁਣੋ ਸੁਣੋ ਸੁਣੋ ਸੁਣੋ........................
ਅਸੀਂ ਕੱਲ ਵੀ ਗੁਲਾਮ ਸੀ
ਤੇ ਅੱਜ ਵੀ ਗੁਲਾਮ ਹਾਂ..
ਅੱਜ ਕਾਲਿਆਂ ਦੇ ਹਾਂ
ਕੱਲ ਗੋਰਿਆਂ ਦੇ ਸਾਂ
ਅਸੀਂ ਹੱਕ ਕੱਲ ਵੀ ਮੰਗਦੇ ਸੀ
ਤੇ ਅੱਜ ਵੀ ਮੰਗਦੇ ਆਂ ....
ਫਾਂਸੀ ਸਾਨੂੰ ਗੋਰੇ ਵੀ ਟੰਗਦੇ ਸੀ
ਹੁਣ ਕਾਲੇ ਵੀ ਟੰਗਦੇ ਆ ....
ਅਮ੍ਰਿਤਸਰ ਚ ਤੋਪਾਂ ਗੋਰਿਆਂ ਨੇ ਵੀ ਚਲਾਈਆਂ ਸੀ
ਤੇ ਕਾਲਿਆਂ ਨੇ ਵੀ ਚਲਾਈਆਂ
ਖੂਨ ਦੀਆਂ ਨਦੀਆਂ ਗੋਰਿਆਂ ਨੇ ਵੀ ਵਹਾਈਆਂ ਸੀ
ਤੇ ਕਾਲਿਆਂ ਨੇ ਵੀ ਵਹਾਈਆਂ
ਮਜਦੂਰ ਤੇ ਡੰਡਾ ਗੋਰੇ ਦਾ ਵੀ ਵਰਦਾ ਸੀ ...
ਤੇ ਕਾਲੇ ਦਾ ਵੀ ਵਰਦਾ ਏ .......
ਮਜਦੂਰ ਦਾ ਹੱਕ ਗੋਰੇ ਤੋਂ ਵੀ ਮਰਦਾ ਸੀ
ਤੇ ਕਾਲੇ ਤੋਂ ਵੀ ਮਰਦਾ ਏ ......
ਇਥੇ ਮਜਦੂਰ ਭੁਖਾ ਮਰਦਾ ਏ
ਤੇ ਚੋਰ ਰਾਜ ਕਰਦਾ ਏ ......
ਇਥੇ ਸਚ ਨੂੰ ਫਾਂਸੀ ਤੇ ਚੜਾਉਂਦੇ ਨੇ
ਤੇ ਕਾਤਿਲ ਝੰਡੇ ਲਹਿਰਾਉਂਦੇ ਨੇ .....
ਮੇਰੀ ਤਾਂ ਇਹੀ ਸੋਚ ਹੈ ਮਿੱਤਰੋ ....
ਮੈ ਕੱਲ ਵੀ ਗੁਲਾਮ ਸੀ
ਤੇ ਅੱਜ ਵੀ ਗੁਲਾਮ ਹਾਂ ...
