::: ਆਓ ਸਿਆਣੇ ਬਣੀਏਂ :::
ਆਓ ਅੱਸੀਂ ਸੁਹਾਣੇ ਬਣੀਏਂ, ਆਓ ਅੱਸੀਂ ਸਿਆਣੇ ਬਣੀਏਂ
ਸਦੀ ਇਕੀਵੀਂ ਦੇ ਮਨੁੱਖ ਹਾਂ ਸਮਝ ਸੋਚ ਹੈ ਨਵੀਂ ਅਸਾਡੀ
ਕਾੰਪਯੂਟਰ ਦੇ ਯੁਗ ਦੇ ਵਾਸੀ ਪੁਲਾੜੋਂ ਪਰੇ ਹੈ ਖੋਜ ਅਸਾਡੀ
ਛੋਹੀਏ ਅੱਜ ਚੰਗੇ ਕੁਝ ਕਾਰੇ ਆਓ ਅੱਸੀਂ ਨਿਆਰੇ ਬਣੀਏਂ
ਆਓ ਅੱਸੀਂ ਸੁਹਾਣੇ ਬਣੀਏਂ ਆਓ ਅੱਸੀਂ ਸਿਆਣੇ ਬਣੀਏਂ
ਚਾਵਾਂ ਨਾਲ ਤਿਹਾਰ ਮਨਾਈਏ ਭਰੀਏ ਖ਼ੁਸ਼ੀ ਤੇ ਪ੍ਰੇਮ ਦੇ ਰੰਗ
ਪਟਾਕਿਆਂ ਦੇ ਸੇਕ ਤੋਂ ਬਚੀਏ ਛੱਡੀਏ ਹੁਣ ਇਹ ਮਾੜਾ ਸੰਗ
ਪੂੰਜੀ ਫੂਕਣੋਂ ਹਟੀਏ ਸਾਰੇ ਨਾਲੇ ਸ੍ਵਸਤ ਨਿਰੋਗੀ ਬਣੀਏਂ
ਆਓ ਅੱਸੀਂ ਸੁਹਾਣੇ ਬਣੀਏਂ ਆਓ ਅੱਸੀਂ ਸਿਆਣੇ ਬਣੀਏਂ
ਗਲੋਬਲ ਵਾਰਮਿੰਗ ਖ਼ਤਰਾ ਭਾਰਾ ਜੂਝ ਰਹੀ ਏ ਕੁੱਲ ਲੁਕਾਈ
ਵੱਧਣੈਂ ਸੰਕਟ ਭਾਰੀ ਜੇ ਆਤਿਸ਼ਬਾਜ਼ੀ ਤੇ ਲਗਾਮ ਨ੍ਹਾਂ ਲਾਈ
ਵਾਤਾਵਰਣ ਬਚਾਕੇ ਅਪਣਾਂ ਕੁਦਰਤ ਦੇ ਸ਼ੁਭਚਿੰਤਕ ਬਣੀਏਂ
ਆਓ ਅੱਸੀਂ ਸੁਹਾਣੇ ਬਣੀਏਂ ਆਓ ਅੱਸੀਂ ਸਿਆਣੇ ਬਣੀਏਂ
ਪੈਸਾ ਬੇਅੰਤ ਫ਼ਜ਼ੂਲ ਜੋ ਰੁੜ੍ਹਦਾ ਉਨ੍ਹੂੰ ਕਿਤੇ ਸਕਾਰਥੇ ਲਾਈਏ
ਕਿਸੇ ਬੱਚੇ ਨੂੰ ਵਿਦਿਯਾ ਦੇਈਏ ਲੋੜਵੰਦ ਦੇ ਕਾਜ ਕਰਾਈਏ
ਯੱਸ਼ ਖੱਟੀਏ 'ਜੀਤ' ਧਰਤੀ ਤੇ ਨਾਲੇ ਰੱਬ ਦੇ ਪਿਆਰੇ ਬਣੀਏਂ
ਆਓ ਅੱਸੀਂ ਸੁਹਾਣੇ ਬਣੀਏਂ ਆਓ ਅੱਸੀਂ ਸਿਆਣੇ ਬਣੀਏਂ
( ਬਿਕਰਮਜੀਤ ਸਿੰਘ 'ਜੀਤ' )
